ئاشکراکردن کردەوەیل "دراکۆلای بەعس" وە کوردەیل فەیلی

ئاشکراکردن کردەوەیل "دراکۆلای بەعس" وە کوردەیل فەیلی
2025-02-01T18:09:00+00:00

شەفەق نیوز/ وەرپرسیگ ئەمنی، ئمڕوو شەممە، هویردەکتریەیل نوویگ لە قسەیل ئەو پەنج کەسە لە دارودەسەیل رژیم وەرین و تاوانەیلیان وەبان کورد فەیلی، و چوین کەفتیانە شوینیان و وەبی هویچ بڕیاریگ دادوەری دەسگیریان کردیان، ئیجا کوشتیانیان و لە شوینە نادیارەیل نیانەیان وەخاک، ئەوەیش لە ماوەی ناوەین هەفتا و نەوەتەیل سەدەی گوزەشتە.

   

ئەو وەرپرس ئەمنیە ئەرا ئاژانس شەفەق نیوز وت: باوەت کورد فەیلی (لیوا خەیروەڵلا حومادی) لەبانی بوی کە لە پۆست ئەمن بوی لە باکوور عراق، و نازناوی (دراکۆلای بەعس) بوی، کە بڕیگ لە کوردەیل فەیلی کوشت و بڕیگیش شکەنجە دا، و لە جینۆسایدکردنیان نووسراوە دویای ئەوە کە پۆست وەڕیەوبەر ئەمن بەغداد کەرخ و رەسافە وەپی دریا، کە هەر کەفتیادە شوینیان و لەلییان گردیاد وەبی بەڵگەی یاسایی، ئمجا شکەنجەیان دیاد و کوشتیادەیان و لە شوینەیل نادیاریگ وەخاک نیادەیان.

     

وتیش: هاوردن گەورەی داواکریاگەیل لە تورکیاوە (سەعدون قەیسی) کە هاوریا هەولێر وەسنگ ئەوە گوایە پڕۆژەی بەرهەمهاوردن وەپی دریەێد لە هەولێر.

 

دیاری کرد کە ئەو پەنج کەسە کە دەسگیر کریانە، وەتایبەت لیوا سەعدون سەیری و لیوا خەیروەڵلا حومادی و لیوا شاکر دوری یەک لەشوینیەک وەڕیەوبەرایەتی ئەمن ناوچەیل باکوور گردن، و تاوانەیلیان لە ماوەی ناوەین هەفتا و نەوەتەیل سەدەی گوزەشتە بوی، و وە بەڵگەی خوەیان ئاشکرای بڕە قەورسانیگ لە فەلووجە کریا، مە کەفێدە ناوچەی سەقلاویە.

  

ئاشکرا کرد کە قوربانیەیل لە کوردەیل بەرزنجی لە کۆتایی ساڵ 1984 بوین، بیجگە شکەنجەدان زیندانیەیل لە کوردەیل فەیلی وە توومەت گاڵداین وەبان رژیم لە ساڵ 1974، بیجگە بارکردن کوردەیل فەیلی و زەفتکردن داراییان لە ماوەی هەشتاگان.

 

دویەکە جمعە، دەزگای ئاسایش نیشتمانی دەسگیرکردن پەنج لە تونەڕەویترین دارودەسەیل رژیم لەناودریای راگەیان، و بکوشەیل شەهید سەدر و خوەشکەی و هەزاران عراقی، و دەسگیرکردنیان وەگورەی فەرمانبەرەیل قەیەغەکردن حزب بەعس وە هەماهەنگی بەرزیگ وەرد گشت لایەنەیل پەیوەندیدار.

وتیش: توومەتبار یەکەم سەعدون سەیری جەمیل قەیسی، و پلەی لیوا، وە ئاشکرا وت  وە چەک خوەی  مەرجعیەت ئاینی محمد باقر سەدر و خوەشکەی کوشتیە، و وەسێدارەدان بڕەیل ئۆپۆزسیۆن کردیە وە توومەت حزب دەعوەی ئیسلامی، هەمیش کوشتن 8 هاوڵاتی و خستنیان وەناو قەورسانەیل وەکۆمەڵ لە فەلوجە و پیەڵ دیالە،  و وەسێدارەدان دوو گەنج لە هووز حەکیم، و کوشتن کەسیگ ئۆپۆزسیۆن خەڵک ئەهوار ناسریە.

   

وتیش: توومەتبار دویەم، هەیسەم عەبدولعەزیز فائق، وەپلەی عەمید، سەرپەرشتی لە وەسێدارەدان مەرجعیەت ئاینی محمد باقر سەدر و خوەشکەی، و وەسێدارەدان بڕیگ لە ئەندامەیل حزب دەعوەی ئیسلامی کردگە.

 

وتیش: توومەتبار سێیەم، خەیروەڵلا حومادی گ، و پلەی لیوا، زاقترین تاوانەیلی، دەسگیرکردن و شکەنجەدان خەڵک قەزای بەلەد، وە دەسپیچگ لایەنگری سیاسی، و بەشداریکردن لە کوشتن و وەخاکناینیان، و سەرپەرشتیکردن لە کوشتن و بڕین کوردەیل فەیلی لە بەغدا، و دەرکردن و جیوەجیکردن بڕیارەیل بارکردن ناچاری ئەرا خیزانەیل کەسەیل ئۆپۆزسیۆن لە بەلەد، (نوگرەت سەلمان+ و دەسی لەناو تاوانەیل دەسبڕین لە کەرکوک بویە، و جیوەجیکردن بڕیگ دەسگیرکردن و وەسێدارەدان ئەرا کەسەیلیگ ئۆپۆزسیۆن لە بەغداد.

    

وتیش: توومەتبار چوارەم، شاکر تەنها یەحیار وە پلەی لیوا، زاقترین تاوانەیلی، بەشداریکردن لە وەسێدارەدان زیندانەیل کورد لە ساڵ 1984 لە بەغداد، و قەیەغەکردن پرسەی لە شوین تیرۆرکردن مەرجع ئاینی محمد محمد سادق سەدر، و بەشداریکردن لە کوشتن سولەیمان برینجی.

لە کۆتایی وتیش: توومەتبار پەنجەم، نعمە سهیل ساڵح، وە پلەی لیوا، زاقترین تاوانەیلی سەرپەرشتیکردن لە هەڵمەتەیل دەسگیرکردن و شکەنجەدان ئەرا زیاتر لە 40 خوەنەوار زانکۆی سلێمانی و زانکۆیل ترەک، و وەشوینکەفتن وەردەوام ئەرا ئەندامەیل حزبەیل ئیسلامی.

Shafaq Live
Shafaq Live