کابرایگ ئیران وە چەن گولەیگ پیایگ ئاینی کوشێد لە هەولێر
شەفەق نیوز/ سەرچەوەیگ ناوخوەیی، ئمڕوو چوارشەممە، خەوەردا لە کوشیان پیایگ ئاینی لە رویداویگ تەقەکردن لە ناحیە "قوشتەپە" سەر وە پارێزگای هەولێر.
سەرچەوەگە وە پەیامنێر ئاژانس شەفەق نیوز وت، پیایگ ئیرانی تەقە لە پایگ ئاینی کردیە لەناو ماشینەگەی لەناوڕاس ناحیەگە، لە ئەنجام وە شەش گولە زەخمداربویە دەسوەجی کوشیاس، تەرمەگەی ئەرا پزیشک دادوەری کلکریا.
سەرچەوەگە ئاشکرایکرد، قوربانیەگە تەمەنی 33 ساڵانە پیشەی ئیمام و وتاربێژ بویە لە یەکیگ لە مزگەفتەیل، دیاریکرد رویداوەگە پەیوەنی وە مەرافەیگ کویەنە داشتیە، کە بەرجە چەن ساڵیگ قوربانیەگە بویەسە مدوو مردن مناڵیگ لەبان پایسکیل، لەدویای ئاڵشتکردن هووزانە و بەخشین پول خوین وە بڕ 30 هەزار دۆلار وە خێزان مناڵەگە دۆسیەگەی بەسیایە
وەپای سەرچەوەگە، تەقەکەرەگە باوگ مناڵەگە بویە، کە ئیرنگە لە کەمپ "کاوە" لە هەولێر دانیشتیە.
