"17 هەزار دینار" مەرافەی سەختیگ لەناو موەلدەیگ تایبەت دروسبویە وە زەخمداریبوین کۆتایی وەپیهات.. ڤیدیۆ

شەفەق نیوز/ سەرچەوەیگ ئەمنی لە کەرکوک، ئمڕوو یەکشەممە، خەوەردا مەراف سەختیگ لە ناوەین دەمدەر مۆلیدەیگ و یەکیگ لە بەشداربویەیل دروسبویە ڵەناۆچەی ٔ"یەک حوزەیران" لەناوڕاس شارەگە، لە ئەنجام مەراف لەبان پویل کەمیگ.

سەرچەوەگە وە ئاژانس شەفەق نیوز وت "هێزیگ لە پۆلیس لێکۆڵینەوە لە رویداوەگە  وازکردن کە وە  ڤیدیۆیەیلگ توومارکریانە و لەبان تووڕ کۆمەڵایەتی بڵاوکریاس،  دەرچێد دەمەقاڵی دروسبوود دویایی رەسێدە تونوتیژی جەستەیی، لە ئەنجام دەمدەر مۆلیدەگە سەری زەخمداربوی  ئەرا چارەسەر کلکریارە خەستەخانە".

لە هەمان وەخت، یەکیگ لە دانیشتگەیل گەڕەک محەمەد جەبار، وت "مەرافەگە لەبان بڕە پویل 17 هەزار دینار دروسبویە، کە یەکیگ لە لایەنەیل داوای کردیە، لە وەختیگ لایەنەگەی ترەک راگەیاندیە تا کۆتایی مانگ یەکلایکەێدەو" وتیش "رویداوەگە دانیشتگەیل تویش شۆک کرد".