161 خێزان کامپ هول وەجیهیلن وەرەو عراق.. وینە

شەفەق نیوز/ دەیان خێزان کامپ هول لە سوریا، ئمڕوو چوارشەممە، وەجیهیشتن وە ئارستەی عراق، یەیش وەپای هەماهەنگی هاوبەش ناوەین هێزەیل سوریای دیموکرات و حکومەت بەغدا.

ئیدارەی کامپ هول وەئاژانس شەفەق نیوز وت ؛ 167 خێزان عراقی کە 607 کەس گرێدەخوەی لەدویای تەواوکردن رێکارەیل کامپ وەجیهیشتن. 

وتیش، گواستنەوەی ئێ خێزانەیلە لەری پاسەوبوود کە حکومەت عراق کلیکردیە، لەورەو ئەرا کامپ جدعە لە پارێزگای نەینەوا بریەن.

دووپاتکرد،هەماهەنگی ناوەین ئیدارەی خوەیجێیی لە باکوور و خوەرهەڵات  سوریا و حکومەت عراق وەردەوامە، ئەرا گلەوداین گشت ئەو عراقیەیلە خوازن خوەبەخشانە ئەرا وڵاتەگەیان گلەوبخوەن.