14 هەزار رویداو تونوتیژی خێزانی لە عراق لەماوەی 2024.. لە سەدا شەش قوربانیەیل مناڵن

14 هەزار رویداو تونوتیژی خێزانی لە عراق لەماوەی 2024.. لە سەدا شەش قوربانیەیل مناڵن
2025-02-02T08:28:59+00:00

شەفەق نیوز/ سەرۆک ناوەن ستراتیجی ماف مرۆڤ لە عراق فازل غەراوی خەوەردا، لە ساڵ 2024 جەهان وەردەوامی داشت لە دیاردەی تونوتیژی دژوە مناڵەیل وەگەرد توومارکردن شمارەیگ پەیمانەیی لە شمارەی قوربانیەیل و سەرپیچیکەرەیل.

وەپای ئەو راپۆرتەیلە رێکخریاگ نەتەوە یەکگرتگەیل ئەرا مناڵەیل (یونیسف) دەریکردیە،  لە هەر پەنج مناڵ یەک مناڵ لە شوینەیل  جەنگ زندگی کەن، بەڵێ زیاتر لە 473 میلیۆن مناڵ یە بەرزترە لە شماوەی لە ماوەی جەنگ جەهانی دویەمەو تا ئیسە. 

رێژەی ئەو مناڵەیلە لە ناوچەیل جەنگ زندگی  کەن لە  10% نەوەدەگانەو بەرزەوبویە ئەرا  19% لەساڵ  2024. و لە ساڵ 2023‌ نەتەوە یەکگرتگەیل 32,990 پێشێلکاری قورس پشتڕاسکردیە کە کاریگەری لەبان 22,557 مناڵ داشتیە مەزەنەکرێد ئێ شمارەیلە لە 2025 زیای بکەن.

 وەپای غراوای لەماوەی ساڵ  2024-2025 دیاردەی تونوتیژی  وەرانوەر مناڵەیل زیای بویە.

وەپای ئامار وەزارەت ناوخوەی لە ساڵ 2024 نزیکەی 14 هەزار سکاڵای تونوتیژی خێزانی توومارکریاس فرەیگ لە حالەتەیل پەیوەنی وە تونوتیژی گیانی دیرێد.

لەناوەین ئێ حالەتەیلە  رێژەی قوربانی دویەتەیل  73%، رێژەی کوڕ 27%، ، و لێکۆڵینەوەیل کە وەزارەتەگە لەماووەی پەنج ساڵ   (2019-2023)  ئەنجامی دایە دەرچگە دیاردەی تونوتیژی خێزانی  بەرزەوبویە، بەرزترین رێژەی لە بەغدای پایتەخت بویە وە رێژەی  31%.

Shafaq Live
Shafaq Live