پویچەوکردن پەلاماریگ چەکداری وەبان ناوەندیگ ئەمنی لە باشوور خوەرهەڵات ئیران

شەفەق نیوز/ دەسڵاتدارەیل ئیرانی، ئمڕوو چوارشەممە، پویچەوکردن پەلاماریگ چەکداری راگەیانن کە ناوەندیگ ئەمنی لە باشوور خوەرهەڵات وڵاتەگە کردە ئامانج.

ناوەن راگەیانن سەر وە هاز ئاسایش ناوحوەی پارێزگای سیستان و بەلوچستان لە بەیاننامەیگ راگەیان "دەسدرویژیگ چەکداری وەبان بنکەی پۆلیس  ناوچەی جەشمی  زیارەت لە شار زاهدان ناوەن پارێزگاگە کە کەفێدە باشوور ئیران سەرکەفتی نەوی".

لە بەیاننامەگە هاتیە، دویەشەو سێشەممە،کەسەیل چەکداریگ تەقە لە بنکەی پۆلیس ناوچەی "جشمی زیارەت" لە زاهدان کردنە لە دویای ئەوەگ پیایەیل ئاسایش جواویانەو دەن دەسکەنە واین، زەردەیل گیانی یا مادی دەسدرویژی بان بنکەگە دیاری  نەکریاس.

وتیش: ئەو کەسەیلە ناسریان و دەسگیرکریان وە هاوکاری مەردم ناوچەگە، و وەی نزیکە دریەنە دەس دادگا.