پویچەوکردن تەقەلای قاچاخکردن و دەسگیرکردن کەسەیلیگ لە دوو پارێزگا
شەفەق نیوز/ پارێزگای سەڵاحەدین و کەرکوک، ئمڕوو یەکشەممە، دوو رویدا ئەمای وەخوەیان دین لە ئەنجام تەقەلایقاچاخکردن مادەیل قەیەغەکریاگ و نایاسایی پویچەوکریا، وەرد دەسگیرکردن چەن کەسیگ لەو ئۆپراسیۆنە، لەچوارچمگ تەقەلا وەردەوامەیل هێزە ئەمنیەیل ئەرا جیوەجیکردن یاسا.
سەرچەوەیگ ئەمنی لە کەرکوک وە اژانس شەفەق نیوز وت؛ هێزەیل پۆلیس توەنستنە شەش کەس لە باکوور پارێزگاگە دەسگیربکەن لەوەخت تەقەلای قاچاغکردن مادەیل قەیەغەکریاگ و بی چەودێری لەری ریگەی نەیسمیە.
سەرچەوەگە.
سەرچەوەگە دیاریکرد، ئۆپراسیۆنەگە وە پشت بەسان وە زانیاریەیل هویردیگ بویە لە ئەنجام دەسگیریا وەبان مادەیل و ئەو کەسەیلەش دەسگیرکریان ئەرا لایەنەیل پەیوەنیدار کلکریەن تا رێکارەیل یاسایی گونجیاگ وەرانوەریان بگیرێد.
فەرماندەیی پۆلیس سەڵاحەدین لە بەیاننامەیگ رەسیە ئاژانس شەفەق نیوز راگەیان، مەفرەزەی نویسینگەدژە تاوانەیل ئاشوور وە پشتبەسان وە زانیاری هەواڵگێری هویردەیل، توەنستن دەسبگرن وەبان سێ بارهەڵگز کە مادەی گەنم قەیەغەکریاگ هەڵگردبوی لەناوەین پارێزگایەیل.
وتیش ئۆپرایونە لە بازگەی پیەڵ شرقات جیوەجیکریاس، لە ئەنجام دەسگیریا وەبان بارهەڵگرەیل و رانندەیل زیندانیکریان، ئاشکریایکرد دوو بارهەڵگر لە جویر "سکانیا" ن کە هەریەکەیان 40 تەن گەنم هەڵگردوین و سێیەم "مارسیدسە" 25 تەن گەنم هڵگردبوی.
