وە نزیکەی 6 دۆلار.. خاو بەسرە وە دەسکەفتەیل گەورایگ کووتایی وە هەفتەگە تیەرێد

شەفەق نیوز- بەسرە

هەردوگ خاو بەسرەی قورس و ناوەنجی دەسکەفتەیل هەفتانەیگ تومار کردن، وەگەرد بەرزەوبۊن نرخەیلیان لە دۊاترین دانیشتنەیل مامەڵەکردن، سەرەڕای داوەزیان نرخەیل نەفت جەهانی، لە ناوڕاس وەدۊاکەفتن بازاڕەیل ئەرا پیشهاتەیل جیۆسیاسی و ئاڵووزییەیل جۊلەی بارکردن و دابینکردنەیل لە ناوچەگە.

 خاو بەسرەی قورس لە دۊاترین دانیشتنەیل مامەڵەکردن وە بڕ 5.90 دۆلار ئەرا بەرمیلێگ بەرزەو بۊ، یا وە ریژەی 6.54 لە سەد، تا وەبان 96.11 دۆلار ئەرا بەرمیلێگ بەسیەێد، وە تومارکردن دەسکەفتەیل هەفتانەیگ کە رەسیە 13.45 دۆلار، وە ئەوەگ یەکسانە وە 16.27 لە سەد، لە وەراورد وەگەرد ئاستەگەی لە سەرەتای هەفتەگە کە 82.66 دۆلار بۊ.

هەمیش خاو بەسرەی ناوەنجی بەرزەوبۊنیگ وە بڕ 5.90 دۆلار ئەرا بەرمیلێگ تومار کرد، یا وە ریژەی 6.37 لە سەد، تا وەبان 99.41 دۆلار ئەرا بەرمیلێگ بەسیەێد، وە تومارکردن دەسکەفتەیل هەفتانەیگ کە رەسیە 13.43 دۆلار، وە ئەوەگ یەکسانە وە 15.62 لە سەد، لە وەراورد وەگەرد ئاستەگەی لە سەرەتای هەفتەگە کە 85.98 دۆلار بۊ.

و لە نۊترین مامەڵەیل، خاو خوەرئاوای تەکساس ناوەنجی رەسیە 99.89 دۆلار ئەرا بەرمیلیگ، وە داوەزین 2.19 دۆلار، یا 2.14 لە سەد، لە وەختیگ خاو برێنت 104.93 دۆلار تومار کرد، وە پاشەکشەی 2.70 دۆلار، یا 2.51 لە سەد، لە وەختیگ خاو موربان رەسیە 120 دۆلار، وە داوەزین 2.48 دۆلار، یا 2.02 لە سەد.

 دەسکەفتە هەفتانەییەیل ئەرا هەردوگ خاو بەسرە تیەێد سەرەڕای دلوەز5 نرخەیل نەفت جەهانی، لە وەختیگ بازاڕەیل وەردەوامن لە کەفتنە ژیر کاریگەری پیشهاتەیل جیۆسیاسی و ئاڵووزییەیل جۊلەی بارکردن و دابینکردنەیل لە ناوچەگە.