وە پشتراسەوکردنیگ ئەرا شەفەق نیوز.. سەرۆک کۆمار عراق رەسێدە دیالە
شەفەق نیوز/ سەرۆک کۆمار عەبدولەتیف جەمال رەشید، ئمڕوو سێشەممە، رەسیە پارێزگای دیالە.
سەردان کردنەگە وە یەکەمین سەردان سەرۆک عراقە ئەرا پارێزگاگە لەدویای ساڵ 2003 و رمیان رژێم سەدام حسێن وەبان دەس هێزەیل ئەمریکی و هاوپەیمانەیلی.
سەرۆکایەتی کۆمار لە بەیاننامەی کوڵیگ راگەیان، رەشید رەسیەس ئەرا پارێزگای دیالە ئەرا راستەوخوەی ئاگاداربوین لە بارودۆخ خزمەتگوزاری و ئاسایش و دیدار وەرد وەرپرسەیل ناوخوەیی کەێد.
سەرچەوەیگ ئاگادار دویەشەو دووشەممە، ئاشکرایکرد، سەرۆک کۆمار، عەبدول لەتیف جەمال رەشید، رووژ سێشەممە سەردان پارێزگای دیالە کەێد.
سەرچەوەگە وە ئاژانس شەفەق نیوز وت "سەرچەوەگە ئمڕوو سەردان پارێزگای دیالە کرد و وە ناو شار بەعقوبە گەردی و وەرد حکومەت ناوخوەیی گردەوبوی".
وتیش؛ هەمیش سەرۆک رەشید لە پارێزگاگە سەردان خانەقین کەێد (کە فرەیگیان کوردن)، ئەرا ئاگاداربوین لە بارودۆخیان و هەمیش کۆبوینەوە وەرد حکومەت ناوخوەیان کەێد".
