وەزیر نەفت ئیران رەسیە بەغداد
شەفەق نیوز/ وەزیر نەفت ئیران محسن باک نەجات، ئمڕوو دووشەممە، رسیە بەغدای پایتەخت لە دیداریگ فەرمی کە ماوەی دوو رووژ وەردەوامە، لە جواوداین بانگهێشتنامەیگ وەلایەن هاوتای عراقی، ئەرا گفتوگوکردن لەباوەت ئەوزەڵداین هاوکاری هاوبەش ناوەین هەردووگ وڵاتەگە لە مژارەیل نەفت و وزە.
وەپای ئاژانس خەوەری ئیرانی "ئرنا"، بڕیارە وەزیرە ئیرانیەگە زنجیرە دیداریگ وەرد وەرپرسەیل باڵای عراقی بکەێد، لەناویان محەمەد شیاع سودانی سەرۆک وەزیرەیل، و وەزیر نەفت و کارەبا و گفتوگوبکەن لە باوەت دۆسیەیل پەیوەنیدار وە هاوکاری کەرت وزە، و فراوانکردن هاوکاری ل مژارەیل نەفت و غاز و بتروکیمیایی.
هەمیش چەوەرێکەێد شمارەیگ یاداشتنامەی لەیەکفامستن و رێککەفتن هاوکاری ناوەین هەردوگلا واژوو بکرێد لەناویان زیایکردن وێستگەیل بەرهەمهاوردن کارەبا ل عراق وە غاز ئیران و پرۆژە هاوبەشەیل لە مژارەیل ژیرخان ئابووری وزە، وەپای ئاژانسەگە.
