وە زیاتر لە 2% .. خام بەسرە وەگەرد بەرزەوبوین جیهانی بەرزەوبوود
2026-02-11T08:27:48+00:00
شەفەق نیوز ـ بەغدا /هەولێر
نرخ خام بەسرە وە هەردوگ جویر قورس و ناوڕاس، ئمڕوو چوارشەممە، بەرزەوبوی زیاتر لە 2%، وەگەرد بەرزەوبوین نرخ نەفت لە بازارەیل جیهان.
نرخ خام قورس بەسرە 1.45 دۆلار و وە رێژەی 2.31 % بەرزەوبوی رەسیە 64.11 دۆلار ئەرا هەر بەرمیلیگ، نرخ خام ناوڕاس بەسرە 1.45 دۆلارو وە رێژەی 2.23% بەرزەوبوی رەسیە 66.36 دۆلار ئەرا هەر بەرمیلیگ.
نرخ نەفت لە جیهان بەرزەوبوی، دویای ئەوەگ بازاڕەیل لە چەوەڕوانی ئاڕاستە نوویەیل پاڵپشتی وەدەسهاوردن، لەوەختیگ گفتوگویەیل ناوەین ئەمریکاو ئیران وەردەوامن و نادیاریی دۆخ جیۆپۆلیتیکییش هاوکار بوود لە بەرز مەنین نرخەیل."
