پولیس کەربەلا کابرایگ دەسگیر کەێد سێ دویەت تلانیە

شەفەق نیوز/ پولیس فریاکەفتن لە پارێزگای کەربەلا، ئمڕوو شەممە، توەنست رانندەیگ دەسگیر بکەێد توومەتبارە وە تلانن سێ دویەت، یەکیگیان مردگە، وەرجەیەگ تەقەلا وەرەو شوینیگ ترەک بواێد.
فەرماندەیی پولیس کەربەلا لە بەیاننامەیگ رەسیە ئاژانس شەفەق نیوز وت: فەرماندەی پولیس لیوا ئەحمەد عەلی زوێتی فەرمان دا وە گشت مەفرەزەیل ئەمنی ئەرا وەشوینکەفتن توومەتبارەگە و ماشینەگەی، و شیوەی لە گشت خاڵەیل بڵاو کرد.
بەیاننامەگە وتیش: مەفرەزەیل فریاکەفتن دویای تەقەلای فرەیگ و بڵاوبوین ئەمنی فراوانیگ، توەنستن توومەتبارەگە دەسگیر بکەن، و بیەنەی دەس لایەنەیل پەیوەندیدار ئەرا تەواوکردن ریکارەیل یاسایی.
پولیس کەربەلا دووپات کرد لە وەردەوامیی لە جیوەجیکردن ئەرکەیل ئەمنیی وەگشت دڵسووزییگ، ئەرا قایمکردن ئاسایش کۆمەڵگا، و داوا لە هاوڵاتیەیل کرد هاوکاری بکەن وەرد دەزگایل ئەمنی.