کوشیان 7 کەس لە یەک خیزان وە رویداو هاتوچو دڵتەزن لە ئەنبار

شەفەق نیوز/ وەڕیەوبەرایەتی هاتوچو ئەنبار، ئمڕوو یەکشەممە، خەوەردا لە کوشیان و زەخمداری هەفت کەس لە یەک خیزان، وە رویداویگ هاتوچو دڵتەزن لە پارێزگاگە.

وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: رویداوەگە لەبان ری سەرەکی پارێزگای ئەنبار نزیک چواڕییان شار راوە بویە، کە ماشین بارهەڵگر گەورەیگ داد لە ماشینیگ پیکئاب، و بویە هوکار کوشیان هەفت کەس لە یەک خیزان لەناو ماشین پیکئابەگە.

دیاری کرد کە وەگورەی لێکولینەوەی سەرەتایی، رویداوەگە لەوەر رانین تون و تەقیان تایەر پیکئابەگە بویە، کە لەدەس رانندە دەرچگە، و روی وەرەو ئیدیمەگە کردگە، و وەشیوەی سەختیگ داگە لە ماشینە گەورەگە.