کوشیان و زەخمداری 9 کەس لە ئەنجام 4 رویداو هاتوچو لە دیالە

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان و زەخمداری 9 کەس، لە ئەنجام 4 رویداو هاتوچو جیاجیا، لە پارێزگای دیالە.
سەرچەوەگە ئەرا ئاژانس شەفەق نیوز وت: کەسیگ مەدەنی گیانی لەدەسدا، کەسیگ ترەک زەخمدار بوی، لە ئەنجام رویداویگ هاتوچو ناوەین ماشینیگ ساڵۆن و بارهەڵگریگ لەبان ری بەعقووبە - مەنسووریە لە باکوور خوەرهەڵات دیالە.
سەرچەوەگە وتیش: دوو کەس لە ئەنجام رویداویگ هاتوچو ناوەین ماشینیگ ساڵۆن و بارهەڵگریگ لەبان ری موقدادیە - خانەقین زەخمدار بوین.
هەمیش وت: پەنج کەس وە دوو رویداو هاتوچو زەخمدار بوین، یەکەمیان لە ئەنجام پلیان ماشینیگ مەدەنی، و ئەوەکە لە ئەنجام رویداویگ ناوەین دوو ماشین لەبان ری بەغداد - کەرکوک، لەناو سنوور دیالە.