کوشیان و زەخمداری زیاتر لە ٣٠ زیارەتکەر ئیرانی وە رویداویگ دڵتەزن لە سەڵاحەدین
2023-09-02T05:30:14+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو شەممە، خەوەردا لە کوشیان و زەخمداری زیاتر لە ٣٠ زیارەتکەر ئیرانی وە رویداویگ هاتوچو ناوەین قەزای دجێل و بەلەد باشوور پارێزگاگە.
سەرچەوەگە ئەرا ئاژانس شەفەق نیوز وت: نزیکەی ١٤ ئیرانی کوشیا و ١٥ی ترەکیش زەخمدار بوین وە رویداویگ ناوەین دوو پاس لەناوچەی عەشر نەخلات ناوەین قەزای دجێل و بەلەد.
وتیش: ئی ئامارە سەرەتاییە و هیمان ماشینەیل فریاکەفتن زەخمدار و کوشیاگەیل ئەرا خەسەخانەی گشتی بەلەد بەن.
سەرچەوەگە دیاری کرد کە ئەو زیارەتکەرەیلە لە قەزای سامەرا گلەو خواردنە دویای ئەنجامدان زیارەت دوو ئیمام عەسکەری, و دووپات کرد ک کە ئامارەگە وەردەوامە لە بەرزەوبوین.
