کوشیان مناڵیگ وە گولەی ئەندامیگ حەشد شەعبی لە باشوور کەرکوک

شەفەق نيوز/ پارێزگای کەرکوک، ئمڕوو سێشەممە، کوشیان مناڵیگ وە گولەی ئەندامیگ حەشد شەعبی وەخوەی دی، لەوەر هوکار نادیاریگ.

 "موهنەد حەيدەر" باوگ مناڵە کوشیایەگە ئەرا ئاژانس شەفەق نیوز وت: کوڕ 11 ساڵانی وە گولەی ئەندامیگ حەشد شەعبی لە ئاوای "بريج" نزیک خاڵ وەشکین منطقة "فەتحة" لە ناحیەی عەباسی باشوور خوەرئاوای شار کەرکوک زەخمدار بوی.

دیاری کرد کە کورەگەی وەگەرد چوار برادەری نزیک خاڵە وەشکینەگە بازی کردیان، هەناێ یەکیگ لە ئەندامەیل حەشد شەعبی تەقە لەلییان کرد، و ئەرا خەسەخانە بریا، وەلێ دویای ئەوە گیانی لەدەسدا.

 وتیش: تەرم مناڵەگە ئەرا فەرمانگەی پزشک دادوەری بریا ئەرا تەواوکردن ریکارەیل یاسایی.

لەلای خوەییش، سەرچەوەیگ ئەمنی ئەرا ئاژانس شەفەق نیوز دووپات کرد کە لایەنەیل ئەمنی لێکۆڵینەوە لە رویداوەگە واز کردن، ئەرا دیاریکردن هووکار و سزادان ئەو ئەندامە وەگورەی یاسا.

وتیش: لایەنەیل ئەمنی ئەوەسا ریکارەیل دڵنیابوین جیوەجی کەن ئەرا دووارەنەوین ئیجویر رویداویگ لە بانان، دووپاتیش کرد کە ئاسایش حەشد شەعبی ئەو ئەندامە کە خەڵک ناوچەی شوعلەس لە بەغداد دریا دەس، و ئیسە لە بنکەی پولیس عەباسی دەسگیر کریاس.