کوشیان دویەتیگ لە ئەنجام دەسکاریکردن چەک باوگی لە دیالە

شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە کوشیان دویەتیگ لە ئەنجام دەسکاریکردن چەک باوگی لە پارێزگای دیالە.

سەرچەوەگە وە ئاژانس شەفەق نیوز وت، دویەتەگە خوەنەوار پۆل سێ ناوەندیە، ئمڕوو، لە قەزای خاڵس خوەراوای دیالە گیان لەدەسداس، هنای لەوەخت دەسکاریکردن چەک  باوگی وە هەڵە تەقە لە خوەی کەێد.

ئاشکرایکرد، رویداوەگە هنای بویە وەشیوەی چەوەڕێ نەکریاگ گولە تەقیە، بویەسە مدوو دەسوەجی کوشیان دویەتەگە، دیاریکرد تەرمەگە ئەرا پزیشک دادوەری کلکریاس ئەرا تەواوکردن رێکارەیل گونجیاگ، و لایەنە ئەمنیەیل دەسکردنە وە رێکارەیل یاسایی ئەرا رویداوەگە.