وسیان جویلەی کاروانەیل ئاسمانی لە فرۆکەخانەی ناودەوڵەتی بەغداد

شەفەق نیوز/ سەرچەوەیگ ئاگادار، ئمڕوو چوارشەممە، خەوەردا لە وسیان جویلەی کاروانەیل ئاسمانی لە فڕوکەخانەی ناودەوڵەتی بەغدا، لەوەر خوەڵوتووز و بەدی ئاست نووڕستن.
سەرچەوەگە ئەرا ئاژانس شەفەق نیوز وت: لەوەر وای تون و خوەڵوتووز، جویلەی کاروانەیل ئاسمانی لە فڕوکەخانەی ناودەوڵەتی بەغدا وەشیوەیگ وەختانە وسیا.
وەرجەیە، دەسەی کەشناسی عراق، باس بەرزەوبوین خوەڵوتووز و بەدی ئاست نووڕستن ئاسۆیی لە ناوچەیل ناوڕاس و باشوور وڵات، کە هەڵکردنی رەسێدە 50 كم لە ساعەتیگ، و بەرزەوبوین خوەڵوتووز بوودە مدوو بەدی نووڕستن ئاسۆیی ئەرا 5 تا 7 كم.
سایتەیل تایبەتمەن وە فڕۆکەوانی، نشان دەن کە نزیکەی 50 کاروان بایەسە بوی لە بڕسنە فرۆکەخانەی بەغداد یا لەلیەو دەرچن.