هوشداری ئەمریکی فەرمی ئەرا حکومەت عراق لەباوەت تسوركۆف
شەفەق نیوز/ رووژنامەی "يديعوت ئەحرونوت" ئیسرائیلی، ئمڕوو دووشەممە، خەوەردا کە دۆناڵد ترەمپ سەرۆک ئەمریکا، هوشداری فەرمی دادە حکومەت عراق، لەباوەت گرنگی مەرەقەزکردن ئیلیزابێت تسورکۆف ئەو خانمە شرۆڤەکار ئیسرائیلی رووسیە کە رفیاگە.
رووژنامەگە لە زوان وەرپرسەیلیگ عراقی وت: ئادەم بوهلەر کلکریای ئەمریکا ئەرا کاروبار رفیاگەیل، پەیامیگە راستەخۆ ئەرا محمد شیاع سودانی سەرۆک وەزیرەیل عراق رەسان، لەناوی دووپات کەێد کە حکومەت عراق وەرپرسایەتی تەواو لە تەواوکردن مەرەقەزکردن ئەو خانم ئیسرائیلیە هەڵگرێد.
وتیش: لە هوشدارییگ فەرمی، ئیدارەی تڕەمپ داوا لە عراق کرد گەرەنتی مەرەقەزکردن کوتپڕ تسورکۆف کرد، کە لەناو عراق رفیا، و هوشداری لە دەرئەنجامەیل سیاسی و ئابووری دا ئەگەر مەرەقەز نەکریەێد.
رووژنامەگە دووپاتیش کرد کە بوهلەر هەڕەشەی جیوەجیکردن ریکارەیل سزادان وەبان عراق دار ئەگەر تسورکۆف وەیزویە مەرەقەز نەکریەێد، وتیش: وەرپرسەیل عراقی دووپات کردن کە حکومەت تەقەلای فرەیگ دەێد ئەرا چارەکردن قەیرانەگە، لە تەقەلای دویرکەفتن لە سزایەیل.
رووژنامەگە لە زوان وەرپرسەیگ عراق ترەک وت: دەسەڵاتەیل زوور لە ناوەینی وەرد کەتائیب حزبولڵا و ئەو باڵە چەکدارەیل کەن، وەلێ بڕفنەیل وەڵام نەیانە، و داوای پویل نیەکەن، کە چارەکردن ئی کارە زیاتر ئاڵووزەو کەێد.
لە هەفتەی گوزەشتە، قاسم ئەعرەجی سڵاکار ئاسایش نیشتمانی عراق راگەیان کە حکومەت کار کەێد ئەرا دیاریکریای شوین تسورکۆف، وتیش: بایەسە وە نهێنی وەرد باوەتەگە رەفتار بکریەێد، لە وەختیج وەرپرسەیل عراقی باس نیگەرانی خوەیان کردن لەوە کە واشینتۆن سزا بچەسپنێد هەرچەگ دەرئەنجام لێکۆڵینەوە بوود.
