هاووڵاتییەیل داد لەدەس کارەبا کەن و پسپۆڕیگ مەرجەیل چارەی دیاری کەێد

Category: هــــه‌واڵ عــیراق

Date: 2022-08-06T13:40:03+0000
 هاووڵاتییەیل داد لەدەس کارەبا کەن و پسپۆڕیگ مەرجەیل چارەی دیاری کەێد

شەفەق نیوز/ هاووڵاتییەیلیگ، ئمڕوو شەممە، بیزاری خوەیان لە بەشەوکردن وزەی کارەبا لە وڵاتەگە نشان داژ، وباس کارەبای بەشیگ لە ناوچەیل وە "هویچ" کردن، و پسپۆڕەیگ ئابووری باس توانای چارەکردن قەیرانەگە وەشیوەیگ زانستی کرد، دویای وسانن گەندەڵی و دەسوەردان سیاسیەیل کرد.    

هاووڵاتییەیلیگ داد لەدەس پەککەفتن وەزارەتەگە کەن  

داڵگ ئەحمەد خانمە فەفمانبەرە لە یەکیگ لە وەزارەتەیل دەوڵەت، ئەرا ئاژانس شەفەق نیوز ئویشێد: وەزارەت کارەبا لە ئەنجامداینەیل درووکانی راگەینێد، و هەناێ گەرمیەگە تیەێد ئەو ئەنجامەیلە وا بەێدەیان، ودیاری کرد ک یە چەن ساڵیگە وەی کارە چاشیایمنە، و چارەیل پینەکردن و سیستەمی داڕزیای سوودیگ نەیرن.  

ئەو خانمە هەمیش ئویشێد: بەشەوکردن کارەبا لە بەشیگ لە ناوچەیل رەسیە (سفر) و وەزارەتەگە دەرەقەت پەیاکردن چارەیگ ئەرا ئی گرفت قورسە نەیرێد.  

لەلای خوەییش، ئەبو رائد ئەرا ئاژانس شەفەق نیوز ئویشێد: وەزارەتەگە وە تەواوی دەرەقەت پەیاکردن هویچ چارەیگ ئەرا گرفت کارەبا نیەتێد، و دیاری کرد ک عراق گیای کارەبا لە هاوسایل کەێد، ک داهات بەشیگیان وە گوورەی چارەکیگ لە داهاتەیل عراق نییە.  

ئەو هاووڵاتییە هەمیش وت: عراق ملیارا دۆلار لەبان کارەبان لەی ساڵەیلە وەبیخود خەرج کرد، وپویلەگە چوودە گیرفان گەندەڵەیل، لە وەختیگ ئەوانەگ بوینە وەزیر لە کارەبا پشت وە چارەیلیگ پینەکردن ئەرا سیستەم کارەبا بەسان، ک لە وەخت گەرمی پەکی کەفێد.  

گەندەڵی و دەسوەردان سیاسیەیل نوای چارەکردن گرێد  

لەلای خوەییش، باسم جەمیل ئەنتوان پسپۆڕ ئابووری ئەرا ئاژانس شەفەق ئویشێد: گرفت کارەبا لە عراق گیچەڵیگ نییە، باوجی خوازین راسسیگ و چەودیریکردن تواێد، و وسانن گەندەڵی لە سیستەم کارەبایی نیشتیمانی خوازێد، ودیاری کرد ک ری ئەرا چارەکردنی وە شیوەیگ زانستی یەس، دویای نواگردن گەندەڵی.    

ئەنتوان ئویشێدیش: مەزەنەیل باس ئەوە کەن ک ئەوەگ لەبان کارەبا خەرج کریایە لە ٨٠ ملیار دۆلار رەد کردیە، لە وەختیگ وڵات میسر وە پویلیگ لەیە کەمتر گیچەڵەگەی چارەسەر کرد، ک ئەگەر وزەی ناوخوەیی لە گاز لەی کارە بخەیمنە کار وەنە فرە لەو کارەبا هاوردیمنەو ک لەدەس چگە. 

  ئاژانس شەفەق نیوز، تەقەلا دا پەیوەندی وە وەرپرسەیل وەزارەت کارەبا بکەێد تا ئی کارە ئاشکرا بکەن، و وڵام توومەت هاووڵاتییەیل بیەن، باوجی کەسیگ نەهاتە دەنگ.   

related

کارەبا گیان دوێەتیگ خوەنەوار زانکۆ لە دیالە سینێد

Date: 2021-08-12 07:35:14
کارەبا گیان دوێەتیگ خوەنەوار زانکۆ لە دیالە سینێد

عراق ئەرا هاوردەی گاز وەکارخستن کارەبا رۊ وە قەتەر کەێد

Date: 2022-02-07 15:27:27
عراق ئەرا هاوردەی گاز وەکارخستن کارەبا رۊ وە قەتەر کەێد

کارەبا مزگانی دەێدە عراقیەیل

Date: 2021-05-03 11:36:02
کارەبا مزگانی دەێدە عراقیەیل

پویچەڵکردن تەقانن هێڵ کارەبای سەرەکی لەناوبەین بەغداد و دیالە

Date: 2021-07-13 07:25:25
پویچەڵکردن تەقانن هێڵ کارەبای سەرەکی لەناوبەین بەغداد و دیالە

وە رێژەی سێ چارەک کارەبای دیالە داوەزیایە

Date: 2022-05-20 11:13:00
وە رێژەی سێ چارەک کارەبای دیالە داوەزیایە

دیالە ٦ تاوەر کارەبا خاسەو کەێد

Date: 2021-08-16 10:05:36
دیالە ٦ تاوەر کارەبا خاسەو کەێد

ديالە.. ناڕەزایەیل رییگ ستراتیژی بڕن و داوای کارەبا کەن

Date: 2021-05-18 08:20:59
ديالە.. ناڕەزایەیل رییگ ستراتیژی بڕن و داوای کارەبا کەن

ئۆپراسیۆنە هاوبەشەیلە راگەینێد سەرکەفتن گەورەیگ لە مقەیەتیکردن تاوەرەیل کارەبا

Date: 2021-07-18 09:20:10
ئۆپراسیۆنە هاوبەشەیلە راگەینێد سەرکەفتن گەورەیگ لە مقەیەتیکردن تاوەرەیل کارەبا