نێچیروان بارزانی: پشتگیری لە داوایل مامووستا مانگرەیل کەیمن لە سلێمانی

شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، دووپات لە پشتگیریکردنی ئەرا داوایل ئەو مامووستا و فەرمانبەرەیلە کەیمن کە یە چەن رووژیگە لە خواردن مانگ گردنە، وە ناڕەزایی وەبان دیرکەفتن خەرج مووچەیل.
بارزانی لە بەیاننامەیگ رەسیە ئاژانس شەفەق نیوز وت: لە نزیکەو چەودیاریکردن لە رەوش مامووستا و فەرمانبەرەیل مانگگر کەم لە سلێمانی، یە چەن رووژیگە وە داوای چارەکردن گیچەڵ مووچەیل.
وتیش: چارەکردن گیچەڵ مووچەیل و شایستەیل دارایی هەرێم داوایگ یاسایییە و گشت ئیمە پشتگیری لەلی کەیمن.
وتیش: ئیمەیش لە سەرۆکایەتی هەرێم کوردستان و حکومەت هەرێم کوردستان ئەرا وەجیهاوردن ئی ئامانجە تەقەلایل گەورەیگ دایمنە وەگەرد حکومەت فیدڕاڵی، و خوەشبەختانە، و لە ئەنجام دانوسەنین و لەیەکفامسنن ناوەین دوو لایەن، و هاوکاری لایەنەیل پەیوەندیدار، راسەوکردن یاسای بودجە بڕیار دریا، و ئومید خوازیمن چارهسهر يهكجاريى پرس مووچه و شايسته داراييهیل ههرێم كوردستان باێد".
بارزانی دووپاتکرد "پهيام و داواكاری مامۆسایەیل مووچهخوەرەیل وە گشتی، وه تهواوى وه لايهنه پهيوهنديدارهیل رەسیە، وەی هووکارە داوا لەلیان کەم رەچاو بار تەندروسیان بکەن و دەس لە مانگردن هەڵبگرن، گشت لاییگ دڵنیا کەیمن کە هەرێم لە تەقەلایەیلی وەردەوامە ئەرا چارەسەرکردن گشت گیچەڵەیلی وەگەرد حکوومەت فیدڕاڵی عراق.
ناڕەزایەتییەیل لە سلێمانی وەردەوامن لە وەختیگ داوای دەسوەردان وەپەلەی حکومەت عراق و کوردستان کرێد و ئەو گیچەڵ هەڵواسیەیلە چارەسەر بکەن کە بارگرانی وەبان هاوڵاتیەیل دروس کەن وەگەرد وەردەوامی مانگردن لە خواردن و ناڕەزایەتییەیل، پرسیار وەبان ئەوەگ دروس بوود تا چەن لایەنە پەیوەندیدارەیل جواو ئەو داواکاریەیلە دەنر و ئایا چارەسەر کریەن ئەرا کۆتایهاوردن وە قەیرانەیل.