ناوچەی خەزرای بەغدای پایتەخت وە روی هاتوچو ماشینەیل وازکریا

شەفەق نیوز/ سەرچەوەیگ ئەمنی لە بەغداد، ئمڕوو سێشەممە، خەوەردا لە دوارە وازکردن ناوچەی خەزرا لە بەغدای پایتەخت وە روی هاتوچوی ماشینەیل.

سەرچەوەگە وە ئاژانس شەفەق نیوز وت "هێزەیل ئەمنی دوارە ری ناوچەی خەزرا لە ناوڕاس بەغداد وازکردن وەروی هاتوچوی  ماشینەیل لەدویای ئەوەگ دویەشەو وە مدوو خوەنیشاندانەیل  بەرە عراقیەیل دژ وە جنەگ ئیسرائیل وەرانوەر وە ئیران ئەنجامیدان".

دویکە دووشەممە، دەیان کەس لە بەرە چەکدارەیل، لە نزیک پیەڵ هەڵواسیاگ لە بەغداد خوەنیشاندان کردن، و ناڕەزایی نیشاندان لە گورزەیل ئیسرائیل وەبان ئیران، وەگەرد ناڕەزایی نیشاندان لە وەکارهاوردن ئاسمان عراق لە گورز وشاننەیل.