یەکەمین پارێزگا لە عراق دەوام سوو کەێدە پشوو.. دووارە وارێد و ریوبانەیل نقوم بوینە.. وینە و ڤیدۆ

شەفەق نیوز/ سیمایەیل نوقمبوین ریوبانەیل لە شارەیل عراق وەردەوامە، لەوەر ئەو وارانەیل رفتە کە دویەکە دەسوەپی کرد، هەرچەن لایەنەیل پەیوەندیدار کادرەیلیان خستنە ئامادەباشی ئەرا دراوردن ئاو، وەلێ هیمان فرە لە ریوبانەیل کەفتنەسە ژیر ئاو.

کامیرای شەفەق نیوز، بڕیگ لەو ریەیلە توومار کرد کە پڕ بوینە لە ئاو، وەتایبەت شار حلە ناوەند پارێزگای بابل.

وەرجە کەمیگ دووارە شەپوول واران نوویگ دەسوەپی کرد، و تەگر وەگەردی واری، لە بەغداد پایتەخت و پارێزگایەیل ناوڕاس و باشوور کە ئەرا یەکەمین جارە لە بیاوان پارێزگای موسەنا تەگر واریە.

 لە شوین ئەو وارانەیلە، پارێزگار واست پەکخستن دەوام فەرمی سوو یەکشەممە راگەیان.