میسان.. ناڕەزاییکەرەیل ریەیل کۆمپانیا نەفتییەیل بڕن و بەسانن دەروازەی ئەلشیب رەدکەن
شەفەق نیوز - میسان
دەیان هاووڵاتی لە پارێزگا مەیسان، ئمڕوو یەکشەممە، ری سەرەکی بەسیاگ وە کۆمپانیا نفتییەیل بڕن، ناڕەزاییکردن لەبان بڕیار حکومەت فیدڕاڵی وە بەسانن دەروازەی سنووری ئەلشیب وەگەرد ئیران.
پەیامنێر ئاژانس شەفەق نیوز راگەیان، ناڕەزاییکەرەیل ریی "بازرگانی" ئەرا کۆمپانیا نفتییەیل لە پارێزگاگە بەسانن، و دروشمەیلیگ دان کە داوای پەشیمانبوین لە بڕیارەگە کەێد، لە ناو بڵاوبوین ئەمنی تونیگ کە دەور شوین خوەنیشاندانەگە گرد.
و بازاڕەیل پارێزگاگە بەرزەوبوین توندیگ لە نرخەیل سەوزەوات و میوەیل وەخوەی دیە دویای بڕیارەگە، کە هاووڵاتیەیل لە تووڕە کۆمەڵایەتیەیل گاڵ دا ئەرا داواکردن وە دووارە وازکردن دەروازەگە و دەسوەێکردن جویلەی بازرگانی.
حکومەت عراقی بڕیار دا لە بیست تشرین یەکەم/ ئۆکتۆبەری ئیسە، وە بەسانن دەروازەی سنووری ئەلشیب تا ئاگادارییگ ترەک، ئی کارە بویە مدوو ناڕەزایەتی وەزارەت ناوخوەیی ئیرانی کە دووپات کرد لە نەڕەسین ئاگادارکردن پیشوەخت وە بڕیارەگە لە بەغداد.
