مەزەنەی وەفروارین لە شەش پارێزگای عراق وە هەرێم کوردستانەو

شەفەق نیوز/ دەسەی کەشناسی و زەویلەرزەناسی عراق، ئمڕوو جمعە، شەش پارێزگا دیاری کرد کە بەغداد پایتەخت و هەرێم کوردستان هاناویان مەزەنە کریەێد لە هەفتەی ئایندە وەفر لەناویان بوارێد.

 وەگورەی راپۆرتیگ لەلایەن دەسەگە، نموونەی مەزەنەکردن "GEFS" نشان وەفروارین سووکیگ لە بەغداد پایتەخت دەێد یا شەوەکی یا شەفەق رووژ یەکشەممە 2/23/ 2025.

دەسەگە وتیش: وەلێ دەرفەت لە بەغداد کەم دیار دەێد، کەمیگ نمی خوازێد.

 وەگورەی راپۆرتەیل، ئەو نزومەتە نشان دەرفەتەیل بەرزیگ ئەرا وەفروارین نەینەوا و ئەنبار و سەلاحەددین و کەرکوک و باکوور دیالە وەگەرد شارەیل سلێمانی و هەولێر و دهۆك ئەرا رووژ یەکشەممە هەس، و لە بەرزایی کویەیل خەسەو بوود.