مردن و زەخمداری پەنج کەس وە رویداویگ هاتوچو لەباشوور عراق
2023-07-02T11:35:09+00:00
شەفەق نیوز/ وەڕیەوبەرایەتی هاتوچو پارێزگای میسان، ئمڕوو یەکشەممە، خەوەردا لە کوشیان و زەخمداری پەنج کەس وە رویداو پلیان ماشینیگ.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: ماشینیگ مارکەی سەنتافیا ستێشن لەبان ری میسان واست نزیک ناحیەی عەلی شەرحی قلیا، و خیزانیگ لەناوی بوی.
بەیاننامەگە وتیش: هووکار رویداوەگە لەوەر تەقیان پاچگ ناویین ماشینەگە بویە، ک ماشینەگە لەری دەرچگە و پلیایە.
وتیش؛ پلیان ماشینەگە بویە هوکار کوشیان کەسیگ و زەخمداری چوار کەس، وتیش؛ زەخمدارەیل ئەرا خەسەخانە بریان و ریکارەیل هاتوچو دەسوەپی کریا.
