مردن دوو مەدەنی وە دوو رۊداو جیاجیا لە شنگال و تەلەعفەر
شەفەق نیوز- نەینەوا
سەرچەوەیگ ئەمنی لە پارێزگای نەینەوا، ئمڕوو یەکشەممە، خەوەردا وە گیانلەدەسداین دوو مەدەنی لە ئەنجام دوو رۊداو جیاجیا وە مدوو رەوشەیل ماڵانە لە هەردوگ قەزای شنگال و تەلەعفەر لە خوەراوای شار موسڵ.
سەرچەوەگە ئەرا ئاژانس شەفەق نیوز وت، کە "رۊداو یەکەم لە قەزای شنگال (خوەراوای موسڵ) رۊ دا، کە مەدەنییگ گیان لە دەس دا لە ئەنجام کەفتن دیواریگ کۊن لەناو ماڵەگەی لە وەخت بۊنی لە نزیکی، کە بۊە مدوو گیانلەدەسداینی دەسوەجێ".
سەرچەوەگە هەمیش وت، کە "رۊداو دۊم لە شار تەلەعفەر توومار کریا، کە کەسیگ گیان لە دەسدا وە کاریگەری زەخمداریەیل سزیان سەختیگ کە وەرجە چەن رووژیگ تۊشی هاتۊد وە مدوو رشانن ئاو سویەر لەبانی لەناو ماڵەگەی"، و دیاری کرد کە "گیان لەناو خەسەخانەی تەلەعفەر گشتی دۊای چەن رووژیگ لە چارەسەرکردنی لە بەش چەودیاری هویرد گیانی لەدەسدا".
دیاری کرد کە "هیزەیل ئەمنی لێکۆڵینەوەیل لە هۊردەکاریەیل هەردوو رۊداوەگە واز کردن، لە وەختیگ هەردوگ تەرمەگە ئەرا پزیشکی دادوەری بریان ئەرا تەواوکردن رێکارە یاساییەیل".
