مردن دوو کەس و زەخمداربوین دو کەس ترەک لە رویداویگ هاتوچوی رخدار لە بەسڕە (ڤیدیۆ)

شەفەق نیوز - بەسڕە

وەڕێوەبەرایەتی وەرگری شارستانی لە بەسڕە، ئمڕوو پەنجشەممە، دراوردن دو تەرم و قورتارکردن دو زەخمدار راگەیان، لە ئەنجام رویداویگ هاتوچوی لەبان ری خێرا ناودەوڵەتی لە پارێزگاگە.

وەڕێوەبەرایەتیەگە لە بەیاننامەیگ  رەسیە  ئاژانس شەفەق نیوز دیاری کرد کە رویداوەگە لە ئەنجام لەیەکەوداین ماشینیگ  لە جویر "یوکن" وەگەرد بارهەڵگر گەپیگ  گواستنەوە "تڕێلە" رویدا، و دیاری کرد  تیمەیل قورتارکردن ئامێرەیل بڕین و جیاکردن هیدرۆلیکی وەکارهاوردن ئەرا هەڵوەشانن پارچەیل و دراوردن گیرکردگەیل  ناو ماشینەگە.

دیاری کرد  زەخمدارەیل  ئەرا خەستەخانە کلکریان ئەرا وەرگردن چارەسەر، وەگەرد تەواوکردن رێکارەیل یاسایی.