لە میسان دویەتیگ خنکێد و لە دهۆک گەشتیاریگ دووڵ قویتی دەێد

شەفەق نيوز/ سەرچەوەیگ ئەمنی، ئمڕوو دووشەممە، خەوەردا لە مردن دویەتیگ دویای خنکیانی هەناێ وەگەرد خوەشکەیلی بویە لە قەزای کەحلا لە پارێزگای میسان.

سەرچەوەگە ئەرا ئاژانس شەفەق نیوز وت: سێ خوەشک لە قەزای کەحلا لە نیسان لە نزیک مەزارگای عەلی زەکی تویش رویداو خنکیان هاتن.

دیاری کرد کە تیمەیل رزگارکردن توەنستن دووانیان رزگار بحەن، و سێیەمەگە هەرچەن تەقەلای فریاکەفتن وەگەردی جیوەجی کریا گیانی لەدەسدا.

سەرچەوەیگیش لە پارێزگای دهۆک خەوەردا کە گەشتیاریگ دەستی کەفتنی لەبان سەنگیگ لە دووڵ شێروانە لە قەزای ئامێدی باکوور پارێزگاگە گیانی لەدەسدا.

سەرچەوەگە دیاری کرد کە ئەو گەشتیارڵ کە خەڵک پارێزگایەیل ناوڕاس عراقە، هاتیەسە دهۆک ئەرا گەشتیاری، وتیش؛ دویای کەفتنی وەناو دووڵەگە وەکوتپڕ گیانی لەدەسدا، و تەرمەگەی ئەرا خەسەخانەی ئامێدی بریا.