لە ماوەی نیمەی یەکەم ساڵ 2025 عراق 27 بیر نەفتی نوو هەڵکەنێد
شەفەق نیوز ــ بەغداد
وەزارەت نەفت، ئمڕوو پەنجشەممە، راگەیان کومپانیای هەڵکەنین عراقی لەماوەی نیمەی یەکەم ئمساڵ 2025 113 بیرە نەفت هەڵکەنیە و خاسەوکردیە.
وەزارەتەگە ئمڕوو لە بەیاننامەیگ وت، ستاف کۆمپانیاگە لە ماوەی نیمەی یەکەم ساڵ ٢٠٢٥ هەڵکەنین ٢٧ بیر نوو و خاسەوکردن ٨٦ بیر تەواوکردنە، یەیش جویر پاڵپشتیگ ئەرا پلانەیل وەزارەت ئەرا زیایکردن رێژەی بەرهەمهێنان و بەرزکردن کارایی کێڵگە نەفتیەیل.
لە بەیاننامەیگ لە زوانی وەڕێوەبەر گشتی کۆمپانیاگە، حەسەن محەمەد حەسەنەوە هاتیە، شمارەگە ڕەنگدانەوەی پابەندبوین ستاف نیشتمانییە کە سەرەڕای ئاستەنگە مەیدانییەیل وەردەوامن لە کارکردن وە کارایی بەرز دووپاتکرد لە پابەندبوین وەڕێوەبەرایەتی باڵا وە ئەوزەڵداین توانای فەرمانبەرەیل و دابینکردن ژینگەیگ کارکردن یەکگرتوو و سەلامەت، دڵنیابوین لە خاسترکردن ئەنجامەیل لە ماوەی دیاریکریاگ.
