"لەفەی فەلافل" تویش دوو کەس زەخمدار تیارێد و دزیان 15 ماتۆڕسکیل لە باشوور عراق
2025-07-02T13:45:29+00:00
شەفەق نیوز - زيقار
سەرچەوەیگ ئەمنی لە پارێزگای زیقار، ئمڕوو چوارشەممە، خەوەردا دوو رویداو ئەمنی توومارکردنە یەکیگیان لە مەرافیگ دوو کەس زەخمداربوین، ئەوەیش دزیان ماتۆڕسیل لە ناوڕاس پارێزگاگە.
سەرچەوەگە وە ئاژانس شەفەق نیوز وت، "مەرافیگ لەناوەین دوو کەس دروسبویە لەبان لەفەفی فەلافل لەناو دوکانیگ خواردەمەنیل لەناوڕاس شار ناسریە ناوەن پارێزگای زیقار و بویەسە مدوو زەخمداری دوو کەس، یەکیگیان بارودۆخی سەختە" وتیش "زەخمدارەیل ئەرا چارەسەر کلکریانە خەستەخانە".
سەرچەوەگە وتیش " باندیگ تایبەت لە ساعەتەیل گوزەشتە 15 ماتۆڕسکیل لەناوڕاس شار ناسریە دزینە، دیارنەوین خاوەنەیلیان هنای خزمەت لە دەسەی حسێنیەیگ کردنە وە دەرفەت وەرگردنە.
