لە دوو پارێزگای عراق.. زەخمداری ٦ کەس وە دوو رویداو هاتوچو و خوەیکوشتن ژنیگ

2023-01-25T13:10:25.000000Z

شەفەق نیوز/ سەرچەوەیلیگ ئەمنی و تەندروسی، ئمڕوو چوارشەممە، خەوەردان لە زەخمداری ٦ کەس وە دوو رویداو هاتوچو جیاجیا، و خوەیکوشتن ژنیگ وە ئاگر لە پارێزگایل دیالە و نەینەوا.

سەرچەوەیگ ئەمنی ئەرا ئاژانس شەفەق نیوز وت: ٣ مەدەنی وە رویداویگ هاتوچو ناوبەین ٤ ماشین لە جادەی کورنیش شار خانەقین زەخمدار بوین.

وتیش: زەخمدارەیل ئەرا خەسەخانەی خانەقین بریان، و دەسەڵاتەیل ئەمنی لێکۆڵینەوە لە رویداوەگە واز کردن.

سەرچەوەگە وتیش: رویداویگتر لە بان ری موعەسکەر سەعەد خوەرهەڵات بەعقووبە، ناوبەین دوو ماشین، بویە هوکار زەخمداری ٣ مەدەنی.

سەرچەوەگە وتیش: زەخمدارەیل ئەرا خەسەخانە بریان، و دەسەڵاتەیل هاتوچو لێکۆڵینەوە لە رویداوەگە واز کردن.

لەلاییگتر، سەرچەوەیگ پزشکی لە پارێزگای نەینەوا ئەرا ئاژانس شەفەق نیوز وت: خەسەخانەی سوزیان لەلای چەپ شار مووسڵ ژنیگ وەرگرد خەڵک گەڕەک ٩٠ لەداڵگبوی ١٩٩٧، تەقەلا داگە وە ئاگر خوەی بکوشێد، و دیاری کرد ک کادرەیل پزشکی تەقەلای چارەکردن سوزمان ژنەگە دەن ک سوزیانەگەی رەسیەسە ئاست ٥٠٪.

 

Shafaq Live
Shafaq Live