لە دوو پارێزگا.. خوەیکوشتن دویەتیگ و پیایگ ژنەگەی خوەی کوشێد و پەیاکردن تەرم شیەوبوییگ

شەفەق نیوز/ سەرچەوەیگ ئەمنی لە بەغداد، ئمڕوو دووشەممە، خەوەردا لە خوەیکوشتن دویەتیگ لەناو ماڵیان لە باشوور پایتەخت لە بارودۆخ نادیاریگ، پیایگ ژن خوەیکوشێد و واید، لەهەمان وەخت هێزەیل ئەمنی تەرمیگ شیەوبوی پەیاکەن لەناو ماڵیگ لەناوڕاس شار موسڵ.

سەرچەوەگە وە ئاژانس شەفەق نیوز وت " دویەتیگ وە ناو  (ط. ع. ح)لەری پەت هەڵوایسیاگ لەناو وتاقەگەی خوەیکوشتیە لە کویچەی دیجلە لە باشوور پایتەخت، لە بارودۆخ نادیاریگ".

 دیاریکرد "دویەتەگە لەناو یەکیگ لە مۆڵەیل کارکەێد" وتیش "تەرمەگەی ئەرا تەواوکردن رێکارەیل یاسایی بردنەسێ پزیشک دادوەری، ئەرا چۆنیەتی رویداوەگە لێکۆڵینەوە وازکریاس".

سەرچەوەگەوتیش "پیایگ ژن خوەی کوشتیە لەری چەک تایوەتەگەی لەناو ماڵیان لە ناوچەی رشاد لە خوەرهەڵات پایتەخت و ئەرا شوین نادیاریگ وایە" وتیش "زانیاری سەرەتایەل دەریخەن تاوانەگە وە مدوو وردەوەردەی خێزانی بویە".

دوپاتکد "هێزەیل ئەمنی توەنستنە بکوشەگە دەسگیربکەن لە ناوچەی نزیکیگ لە رشاد و بیا ئەرا بەندیخانە".

لە نەینەواش، سەرچەوەیگ ئەمنی وە ئاژانس شەفەق نیوز خەوەردا، "هێزەیل ئەمای تەرم پیایگ 35 ساڵە لەناو ماڵیگ پەیاکردنە  لە ناوچەی تل رومان لە خوەرئاوای موسڵ، کە ئاسەوار پەنام و شیەوبوین لەقیەو دیاربویە، دیاریکرد مردنەگە وەرجە چەن رووژیگ رویدایە".

وتیش "لێکۆڵینەوەیل سەرەتایی دەریخەن رویداوەگە نزیکەی وەرجە سێ رووژ رویدایە، گومانکرێد لە ئەنجام خوەیکوشتن بوود، وەپای راپۆرت پزیشک دادوەری" وتیش "کەسوکار قوربانیەگە راگەیاندنە تا ئیسە هووکار  رویداو لەلایانەو نادیارە".