لایەنەیلیگ سیاسی عراقی شەرمەزار سزانن بارەگای پارت دیموکرات کوردستان لە بەغداد کردن

Category: هــــه‌واڵ عــیراق

Date: 2020-10-17T09:38:31+0000
لایەنەیلیگ سیاسی عراقی شەرمەزار سزانن بارەگای پارت دیموکرات کوردستان لە بەغداد کردن
شەفەق نیوز/ هەرلە هاوپەیمان هێزە سیاسیەگان و حزب نەتەوەی عراقی ، ئمڕوو شەممە، شەرمەزار پەلامارەگەی لایەنگرەیل حەشد شەعبی لەبان بارەگای پارت دیموکرات کوردستان لە بەغداد پایتەخت کردن.
رەعەد دەهلەگی جیگر وەرپرس فراکسیۆن هێزە عراقیەگان ئەرا ئاژانس شەفەق نیوز وت: رت و شەمەزار سزانن بارەگای پارت دیموکرات کوردستان لە بەغداد کەیمن، و گشت حزبەگان رێز خوەیان دیرن، و سیاسەت سزانن بارەگاگان وئاگر بازی هیلێد گشتی بسزیەێد، و دیاریکرد هەرکەسیگ ناکۆکی دیرێد یا جیوازی لە را دیرێد بایەدە روی بکەێدە دادوەری و رێز لە یاسا بکرێد.
وتیش؛ سیمای سزانن بارەگایل حزبەگان وکەناڵە ئاسمانیەگان شایەت ئاڵشتبوود ئەرا سزانن دامەزراوە حکومەتیەگان و وەزارەتەگان و ماڵەیل خەڵک، و ئەیە بەڵگەس لە نەوین دامەزراوەیل راسی دەوڵەتەگە و نەیش رێزگردن لە یاسا و پشتگیری یاسا
دەهلەگی وتیش؛ سزانن بارەگاگان کەلتور فرە رخبەریگە لە بەشیگ لە لایەنە سیاسەگان دروس بوود، ک وەرجەیە کاتم و رفانن وەکارهاوردیان، و ئمڕوو دەسکردنە بارەگا سزانن ئەرا دەنگ کپەو کردن.
لەلای خوەییش میسال ئالووسی وەرپرس حزب نەتەوەی عراقی لە بەیاننامەیگ رەسیە ئاژانس شەفەق نیوز وت: وە سەختی شەرمەزار پەلامارکردن تیرۆری بەربەری کەیمن و ئەوەگ کۆمەڵەیگ سیخوڕ لە لانەیل گەندەڵی و لە یاسا دەرچگەیل کردنەی لەبان بارەگای لق پەنج پارت دیموکرات کوردستان، و ئەوەیگ خوازێد فیتنەی مەزهەبی و نەتەوەیی دروس بکەێد و زانابوین تاوانییگ، تا لە گەندەڵی و دژی و یاسای دارستانی و ناودەوڵەتی خوەی وەردەوام بوود.
وتیش؛ حکومەت عراقی ئیسە داواکریاگە وە نواگردن ئی مەرجداوە، و رینما بیەێدە بانگەشەکار گشتی وە هەواڵەکردن تاوانبارەیل ئەرا داد، و رەتکردن کشت شیەدوەیل تیرۆر دژوە هاووڵاتیەیل و دامەزراوەیل دەوڵەت و ئەمن و ئاشتەوایی کۆمەڵایەتی.
هەمیش وت؛ لەیراو، گشت حزبە عراقیەگان و ئەنجومەن نوێنەرەیل داوکریاگن وە شەرمەزارکردن ئی کردەوەی گومانلیکریاگ و ناشرینە و داواکریاگن وە بڵاوکردن هەست ئارامی و گورجکردن یاسای و رەتکردن گشت شیوەیل دەسپیچگە تیرۆرەگان.

related

لایەنگرەیلیگ ئەرا حەشد چنە ناو بارەگای پارت دیموکرات کوردستان لە بەغداد و ئاگری دەن

Date: 2020-10-17 07:52:13
لایەنگرەیلیگ ئەرا حەشد چنە ناو بارەگای پارت دیموکرات کوردستان لە بەغداد و ئاگری دەن

یەکەمین وەڵام لە پارت دیموکرات کوردستان لەبان سزانن بارەگاگەی لە بەغداد

Date: 2020-10-17 08:42:29
یەکەمین وەڵام لە پارت دیموکرات کوردستان لەبان سزانن بارەگاگەی لە بەغداد

سەرکردەیگ لە حەشد ئاشکرا کەێد: جەماوەر ئیمە بارەگای پارت دیموکرات کوردستان لە بەغداد سزان

Date: 2020-10-17 08:54:36
سەرکردەیگ لە حەشد ئاشکرا کەێد: جەماوەر ئیمە بارەگای پارت دیموکرات کوردستان لە بەغداد سزان