كەركوك.. سوپای عراق پاکەوکردن یەکیگ لەو دووڵەیلە تەواو کەێد کە تیرۆر لەناویان گورجە
شەفەق نيوز/ فەرماندەی فیرقەی 11 لە سوپای عراق، لیوای رەکن موعز بەدای، ئمڕوو سێشەممە، تەواوکردن کارەیل پاکەوکردن و ماڵین دووڵ زغەیتون راگەیان کە تیرۆرستەیل لەناوی گورج بوینە.
بەدای ئەرا ئاژانس شەفەق نیوز وت: لیوای پیادەی چل و دوو، لە فەرماندەیی کارەیل پاکەوکردن و ماڵین دووڵ زغەیتون تەواو کردن، تا بوودە ریڕەویگ ئاو وەشیوەیگ پووڕیاگ، وەگەرد پڕەوکردن شوینەیل کژووگیا و قامیش کە بوێدە پەناگەیگ ئەرا تیرۆرستەیل.
دیاری کرد کە تەقەلای ئەندازیاری توانست سەنگەر نموونەیی لەو شوینەیلە دروس بکەێد کە شمارەیگ لە قوربانیەیل لەناوی کەفتن مینەی ئۆپراسیۆنیگ مینەکردن تیرۆرستەیل.
دیاری کرد کە دووڵەگە دویای بیش ساڵ لە وەکارهاوردنی وەلایەن گرووپە تیرۆرستەیل کەفتە دەس سوپا، و ئی گامە لە چوارچیوەی تەقەلایل وەردەوام تیەێد ئەرا لەناوبردن تیرۆر و ئارامکردن ئەو شوینەیلە کە بوینە پەناگەی تیرۆرستەیل.
وتیش: سوپای عراق وەردەوامە لە پاکەوکردن ئەو شوینەیلە لە تیرۆر، و ئارامگردنیان، وە جیوەجیکردن ئۆپراسیۆنەیاب سەربازی جویرەیی و ئامانجگردن ژیرخانەیل تیرۆرستەیل، ئەرا گلەوداین ئاسایش و ئارامی لە ناوچەیلە کە زیان لە زاڵبوین گرووپەیل تیرۆری داشتن.
