كوشيان و دراوردن تەرمیگ و تەقەلای خوەیکوشتن و پویچەڵکردن تەقەلای قاچاخکردن هووشبەری لە سوریاو
شەفەق نيوز/ پارێزگایەبل زیقار و دیالە، ئمڕوو دووشەممە، خەوەردا لە کوشیان کەسیگ و زەخمداری کەسیگ ترەک وە گولە، و دراوردن تەرم خنکیاییگ، لە وەختیگ فەرماندەیی هیزەیل پاسەوان سنوور قاچاخکردن 4 هەزار حەپ هووشبەر پویچەڵ کردن لە چەم فوراتەو هاتوێد لە ناوچەی باغوز سوریاو.
لە پارێزگای زیقار، سەرچەوەیگ ئەمنی ئەرا ئاژانس شەفەق نیوز وت: وەردەوەردەیگ کەفتە ناوەین دوو کەس رەسیە وەکارهاوردن چەک، کە بویە هوکار کوشیان یەکیگیان وەدەس ئەوەکە لە قەزای شەترە باکوور پارێزگای زیقار، وتیش: مدووەیل تاوانەگە لەوەر مرافەیگ لەبان پارچە زەوییگ بویە.
سەرچەوەگە وتیش: قەزای غەراف باکوور شار ناسریە تەقەلای خوەیکوشتن گەنجیگ لەناو تەمەن بیس ساڵان شکست هاورد، دویای ئەوە کە وە چەک کلاشینکۆف تەقە لە خوەی کرد، و سەری زەخمدار بوی، و ئەرا خەسەخانە بریا، دیاری کرد کە لەوەر گیچەڵ دەروینی هاتیە خوەی بکوشێد.
لە دیالە، سەرچەوەگە ئەرا ئاژانس شەفەق نیوز وت: تەرم گەنجیگ خنکیای لە بەغداد، شەفەق ئمڕوو، لە دەریاچەی حەمرین دراوردن، دویای کەفتنی لە بەلەمیگ ڕاوەماسی مەوقەی سەیرانکردنی وەگەرد برادەرەیلی.
هەرلیوا، عەمید موقداد میری وەڕیەوبەر فەرمانگەی پەیوەندییەیل و راگەیانن لە وەزارەت ناوخۆی عراق لە بەیاننامەیگ رەسیە ئاژانس شەفەق نیوز وت: فەوج دویەم لە لیوای کۆماندز فەرماندەیی هیزەیل پاسەوان سنوور تەقەلای قاچاخکردن 4 هەزار حەپ هووشبەر کیپتاگۆن پویچەڵ کرد، لە چەم فوراتەو هاتوێد لە باغوز.
میری وتیش: ئۆپراسیۆنەگە جیوەجی کریا وە تەقەلای هویردیگ، و دووپات لە وەردەوامی نواگیریکردن هەر تەقەلایگ ئەرا قاچاخکردن یادزەکردن کرد.
