قەیەغەکردن عراقیەگان لە گەشتکردن وەرەو ٢٠ دەوڵەت بنچینەی نوو کۆڕۆنا لەناویان دەرچگە

Category: هــــه‌واڵ عــیراق

Date: 2021-01-14T12:06:05+0000
قەیەغەکردن عراقیەگان لە گەشتکردن وەرەو ٢٠ دەوڵەت بنچینەی نوو کۆڕۆنا لەناویان دەرچگە

شەفەق نیوز/ دەسەڵات فڕۆکەوانی مەدەنی عراق، ئمڕوو پەنجشەممە، راگەیان قەیەغەکردن عراقیەگان لە گەشتکردن وەرەو ٢٠ دەوڵەت لەناویان بنچینەی نوو ڤایڕۆس کۆڕۆنا دەرچگە.

دەسەڵاتەگە لە بەیاننامەیگ رەسیە ئاژانس شەفەق نیوز وت: دەسەی باڵای تەندروسی و سەڵامەتی نیشتمانی، فەرمان داگە دەسەڵات فڕۆکەوانی مەدەنی و کۆمپانیایل فڕۆکەوانی مەدەنی لە وڵاتەگە، وە قەیەغەکردن هاووڵاتییە عراقیەگان لە گەشتکردن وەرەو ئەو دەوڵەتەیلە ک بنچینەی نوو ڤایڕۆس کۆڕۆنا لەناویان هەس.

و دیاری کرد ک ئەو دەوڵەتەیلە ک وە قەیەغەگە دیاری کریانە خوەیان؛ نەمسا، بەلجیکا، دانیمارک، فینلاندە، فەڕەنسا، جۆرجیا، ئەڵمانیا، یونان، ئێرلەندا، لۆکسمبۆرگ، سلوڤیکیا، ئیسپانیا، بەڕازیل، ئەمریکا، هیند، ئوسترالیا، یابان، باشوور ئەفریقا، زامبیا.

و ئاماژە کرد ک فەرمانگە هەمیش قەیەغەی وەناوهاتن لەو دەوڵەتەیلە گردەو، بیجگە عراقیەگان و چەسپانن کەرەنتین ناچارییان ئەرا ماوەی ١٤ رووژ، و ری وە تیکڵابوین ئەواکان وەپیان نەیریەێد، تا وەڕی pcr ئەوە چەسپیەێد ک تووش بیماریەگە نەهاتنە، و تا دوو هەفتە تا ئاشکرابوین رەوش جهانی و هەرێمی لە بڵاوبوین ئی بنچینەی نووە.

وتیش؛ قەیەغەی وەناوهاتنەگە دبلۆماسیەگان و خاوەن پاسپۆرتە دبلۆماسیەگان، و شاندە حکومەتیە فەرمیەگان، و کارکەرەیل لە باڵوێزخانەگان و رێکخراوە ناودەوڵەتیەگان، و پسپۆڕەیل لە پڕۆژە خزمەتگوزارییەگان وەخشێد، وە مەرجیگ لەماوەی ٧٢ ساعەت وەرجە هاتنیان ئەرا ناو عراق تاقیکردنەوەی pcr  بارن.

related

کۆڕۆنا وەرزشکار ناودیاریگ لە نەجەف رفنێد

Date: 2020-12-05 12:53:35
کۆڕۆنا وەرزشکار ناودیاریگ لە نەجەف رفنێد

عراق..تووشهاتنەگان کۆڕۆنا لە ١٤٠ هەزار رەدکەن

Date: 2020-08-06 16:16:45
عراق..تووشهاتنەگان کۆڕۆنا لە ١٤٠ هەزار رەدکەن

عراق وەردەوامە لە داوەزین تووشهاتن و مردنەگان کۆڕۆنا

Date: 2020-10-04 13:39:10
عراق وەردەوامە لە داوەزین تووشهاتن و مردنەگان کۆڕۆنا

عراق ٢٣٤٩ تووشهاتن نوو وەڤایڕۆس کۆڕۆنا و ٢١٥١ خاسەوبوین تۆمار کەێد

Date: 2020-11-18 15:06:20
عراق ٢٣٤٩ تووشهاتن نوو وەڤایڕۆس کۆڕۆنا و ٢١٥١ خاسەوبوین تۆمار کەێد

کۆڕۆنا وەزیر سوری وەرینیگ رفنێد

Date: 2020-09-03 08:05:36
کۆڕۆنا وەزیر  سوری وەرینیگ رفنێد

کۆڕۆنا لە عراق ئمڕوو.. ٤٢٣٤ خاسەوبوین و ٣٩٠٧ تووشهاتن و ٨٣ مردن

Date: 2020-09-19 15:03:14
کۆڕۆنا لە عراق ئمڕوو.. ٤٢٣٤ خاسەوبوین و ٣٩٠٧ تووشهاتن و ٨٣ مردن

تووشهاتن رووژانەی عراق وەرەو خوار دوو هەزار داوەزێد

Date: 2020-10-31 14:19:39
تووشهاتن رووژانەی عراق وەرەو خوار دوو هەزار داوەزێد

مزگانییگ دەربارەی کۆڕۆنای عراق

Date: 2020-08-16 16:53:51
مزگانییگ دەربارەی کۆڕۆنای عراق