عراق.. 3 مردن و شمارەیگ زەخمداری وە رویداوەیل هاتوچو و یەک خنکیان
شەفەق نیوز/ سەرچەوەیگ ناوخوەیی، ئمڕوو سێشەممە، خەوەردا لە رویدان رویداویگ هاتوچو رخداریگ لەبان ری شارەزوور ـ سەیدسادق، نزیک ئاوای مەحمود خانی.
سەرچەوەگە ئەرا ئاژانس شەفەق نیوز ئاشکرایکرد، "رویداوەگە بویە مدوو مردن رانندەی ماشینەگە لە شوین رویداوەگە، و سێ کەسیش زەخمداربوین".
دیاریکرد "تەرم قوربانیەگە ئەرا پزیشک دادوەری سلێمانی کلکریاس، لە هەمان وەخت زەخمدارەیل ئەرا نزیکترین بنکەی پزشکی کلکریانە".
سەرچەوەی ترەک خەوەردا لە زەخمداری کۆمەڵیگ خوەنەوار پۆل شەش ئامادەیی وە رویداو هاتوچو لە پارێزگای دیوانییە.
سەرچەوەگە وە ئاژانس شەفەق نیوز وت، "رویداو هاتوچویگ لەبان ری حلە ـ دیوانیە رویدا، بویە مدوو زەخمداری بڕیگ خوەنەوار پۆل شەش ئامادەیی، کە لەری وەرەو تاقیکردنەوەیل بوین لە ناوچەی دەبلە لە ناحیەی ئیبراهیمیە".
سەرچەوەگە وتیش، "خوەنەوارە زەخمدارەیل ئەرا چارەسەرکردن کلکریانە خەستەخانە و نەتوەنستن تاقیکردنەوە ئەنجام بدن.
سەرچەوەیگ ئەمای لە پارێزگای دیالە، خەوەردا لە نقومبوین خوەنەواریگ لەناو چەم ئەروائی خوەرهەڵات پارێزگاگە.
سەرچەوەگە وە ئاژانس شەفەق نیوز خەوەر "خوەنەواریگ پۆل دوو ناوەندی ئمڕوو گیان لەدەسدا، هنای لەناو چەم ئەروانی سناوکردیە لە ناحیەی کەنعان خوەرهەڵات شار بەعقوبە ناوەن پارێزگای دیالە".
هەمان سەرچاوە دووپاتکرد لە مردن ژنیگ و دوو پیای و زەخمداری 5 کەس وە رویداوەیل هاتوچو جیاواز لەبان ری دەرەکی پارێزگای دیالە.
سەرچەوەگە خەوەردا لە "ئمڕوو سێ رویداو هاتوچوی جیا لەبان ری بەغداد ـ کەرکوک رویدا و ری کەنعان ـ بەعقوبە و ری موقدادیە ـ بەعقوبە رویدا".
دیاریکرد لە ئەنجام سێ رویداوەگە ژنیگ و دوو پیای مردن و 5 کەسیش زەخمداربوین، کە ئەرا چارەسەر کلکریانە خەستەخانە".
