عراق وەگەردیان… زریان و واران لە خەلیج وەگەرد هوشداری تون

 شەفەق نیوز/ ئمڕوو شەممە، وڵاتەیل خەلیج عراق لەبانیان، کەشوهەوای نائارامییگ وەرد واران رفتیگ لە چەن ناوچەیگ وەخوەیان دوینن، لە وەختیگ هوشداری ناوەندەیل کەشناسی لە هەڵاوسان کەشوهەوا کە وای تون و کەمەوبوین ئاست نووڕستن ئاسوویی وەخوەی دوینێد.

 لە دویەکەو پارێزگایەیل عراق شەپۆل واران رفتیگ و تەگر وەخوەیان دوینن، کە لە ماوەی ساڵەیل گوزەشتە تونترین شەپۆل واران بویە.

 شەپۆل واران بویە مدوو ژیرئاوکەفتن ریە سەرەکییەیل بەغدای پایتەخت عراق و بەشیگ لە پارێزگایەیل ترەک، بیجگە لە زیان کەمپەیل ئاوارەیل ئەنبار.

شەپۆل واران لە ناوڕاس و باشوور عراق تا ئمڕوو وەردەوام بویە و کادیرەیل شارەوانی و دامودەزگایل پاڵپشت هانە ئامادەباشی ئەرە دراوردن ئاو لە ریوبانەیل، وەتایبەتی کە دیمەنەیل لافاو ریوبانەیل لە نیمەڕەوە گلەو خوەن، دویای شەپۆلیگ نوو لە وارانوارین.

 سعودیە

 ناوەند نیشتمانی کەشناسی سعودیە دووپات کرد کە ئەگەر وەردەوامی ئەور و تریشقە مامناوەند تا تون هەس، کە هاتێ بوودە مدوو لافاو، وەگەرد واران تەگروارین رفتیگ و وای گورجیگ كە لە ناوچەیل  ڕیاز و شەرقیە خوەڵوتووز هەڵکەێد.

 ناوچەیل نەجران، جیزان، عەسیر، ئەبها، مەککە، تەبوک، ئەلجەوف، و سنوور باکوور وارانیگ سووک تا مامناوەند وەخوەیان دوینن، وەگەرد ئەگەر دروسبوین تەم لە چەن شوینیگ.

 سەنتەرەگە هوشداریی سوور لە ناوچەی خوەرهەڵات بڵاو کرد و هوشداریدا لە واران رفتیگ و وای تون و نەوین نووڕستن ئاشووری و تەپوتووز و زریان.

 کوێت

 لە کوێتیش کەشوهەوا هاوشیوەس، کە سەنتەر کەشناسی هوشداری  کەشوهەوا لە کەمی نووڕستن دەرکرد لەوەر تەم و گشت ناوچەیل وڵات، وەگەرد مەزەنەی واران رفت.

 قەتەر

 قەتەریش، وەڕێوەبەرایەتی کەشناسی قەتەر راگەیان کە کەشوهەوای ئمڕوو ئەورە وەگەرد ئەگەر واران جیاجیا، کە هاتێ لە وەختەیلیگ تریشقە بوود، وەگەرد ئەمەش خوەڵوارین و وای سووک تا مامناوەند.

 هەرلیوا کەشناسی هوشداری دا لە وای تون و شەپۆل بەرز لە دەریا، وەرد ناجیگیری کەشوهەوا و وارانوارین لە چەن ناوچەیگ.

 ئیمارات

 لە لاییگ ترەک، ناوەند نیشتمانی کەشناسی لە ئیمارات هوشداری دا لە هەڵکردن خوەڵوتووز  لە ناوچەیل حەبشان، ئەلمیرفا، ئەلوەرەیس و ئەلسەلاعە، کە هاتێ بوودە مدوو کەمەوبوین ئاست نووڕستن ئاسووری.

 بەحرەین

بیجگە لەوەیش، بەش کەشناسی لە وەزارەت گواستنەوە و رەسانن لە بەحرەین بڵاو کرد کە کەشوهەوا ناجیگیرە، ئەگەر ئەور و تریشقە لە وەختەیلیگ هەس، وەگەرد وای تون و شەپوول بەرز لە دەریا.

 عومان

 لە سەڵتەنەتی عومان، دەسەڵات فڕۆکەوانی مەدەنی کەشوهەوای رووشن لە فرەی ناوچەیل وڵات توومارکرد، وەگەرد ئەگەر دروسبوین ئەور نزم یا تەم لە ناوچەیل باشوور ئەلباتینە، باشوور ئەلشەرقییە، ئەلوستا و دەفار.

 مەزەنەیل دەسنشان کەن کە رەوش نائارامی وا لە فرەی وڵاتەیل کەنداو لە چەن ساعەت ئایندە وەردەوامەر لە وەختیگ لایەنە پەیوەندیدارەیل باس گرنگی  وریایی کەن وە تایبەت لەو ناوچەیلە کە کەفنە وەر لافاو و کەم نووڕستن ئاسوویی.