عراق: مەڵویەگە هالە کنارەیل سنوورەکان و زەرەد لە کشتوکاڵیمان نییە
شەفەق نیوز/ وەزارەت کشتوکاڵی عراق، ئمڕوو پەنجشەممە، ئاشکرا کرد ک گەلە مەڵویەیگ لە کنارەیل سنوور وڵاتەگە هەس، و دووپات کرد ک مەترسی یا زەرەدیگ لەبان کشتوکاڵیمان نەیرێد.
حەمید نایف قسەکەر وەناو وەزارەتەگە ئەرا ئاژانس شەفەق نیوز وت: ئەو مەڵویە ک ئیسە هالە سنوور عراق هەر لە بەسرە تا سەماوە و ناسریە، ودویای هاتنی ئەرا ناو عراق لە کۆتایی مانگ ئادار گوزەیشتە و روی وەرەو خوەرائاوای ئەنبار کرد، ئیجا وەرەو سعودیە.
نایف وتیش؛ وەزارەتەگە گشت کارەیل لەناوبردن شەپۆلەیل مەڵویە وەدەسمیەتی هێزە چەکدارەکان و حەشد شەعبی و هاووڵاتییەل کرد، دویای ئەوە ک خەوەردار دەسەی ناودەوڵەتی دژوە مەڵویە وەهاتن شوپۆلەیلیگ لە مەڵویە وەرەو ناو عراق لە کۆتایی مانگ گوزەیشتە کرد.
قسەکەر کشتوکاڵی وتیش: کولەگە لەناو نێوریەێد تا لەبان زەوی ئارام نەگرێد، و گەلەیل مەڵویەی ئمساڵ بڕەیل بویچگیگ بوین و لە ساڵ گوزەیشتە کەمتر بوین.
نایف لە کۆتایی قسەیلی وت: هیچ زەرەدەیلیگ لەبان بەرهەمە کشتوکاڵیەکان نییە و تا ئیسەیش نوقڵانەیگ وەو زەردیە نەیاگە، و دووپات کرد ک بڕە مەڵویەیلە هیمان هانە کنار سنوور عراق و هانە بیاوانەگە.
