کەشوهەوای ناجیگیر لە عراق.. واران و خوەڵوتووز و گەرمی بەرز

شەفەق نيوز/ دەسەی کەشناسی عراق، ئمڕوو دووشەممە، کەشوهەوای وڵاتەگە ئەرا ئی رووژەیلە راگەیان کە لەی هەفتە مەننەسەو، و مەزەنەی وارانوارین و هەڵکردن خوەڵوتووز، و بەرزەوبوین پلەی گەرمی کرد.

دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە وەگشتی جاروبار هەورە وەگەرد نمە وارانیگ لەباو بەرزایی کویەیل، و وای باشووری خوەرھەڵاتی لە ناوچەیل ناوڕاس و باشوور هەڵکەێد، لە بەشەیل خوەرهەڵات لە ناوچەی باشوور گورجەو بوود، و خوەڵوتووز هەڵکەێد، و لە ناوچەی باکوور روی واگە جیاوازە، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.

بەیانامەگە وتیش: پلەی گەرمی مەزن ئەرا سوو سێشەممە وەیجویرە بوود: دهۆک و سلێمانی 38 پلەی سەدی، هەولێر 40، نەینەوا 42، سەڵاحەدین و ئەنبار 44، نەجەف و زیقار 46، بەغداد 44، بەسرە 41، دیالە و بابل و کەربەلا و واست و میسان و موسەنا 45 پلەی سەدی.

وتیش: رووژ چوارشەممە، ئاسمان رووشنە وەگەرد لەکە هەوریگ، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.

وتیش: رووژ پەنجشەممە، ئاسمان رووشنە و جاروبار نیمچە هەورە لە ناوچەیل ناوڕاس و باکوور، و لە ناوچەی باشوور رووشنە، وەگەرد بەرزەوبوین سووکیگ لە پلەی گەرمی لە گشت ناوچەیل وڵاتەگە.

 دەسەگە لە کۆتایی وتیش: کەشوهەوای وڵاتەگە ئەرا رووژ جمعەی ئایندە لە گشت ناوچەیل وڵاتەگە رووشنە، وەگەرد بەرزەوبوین سووکیگ لە پلەی گەرمی.