کەشوهەای ئێ هەفتە لە عراق.. کەشوهەوای گەرمیگ و هەڵکردن تەپوتووز

شەفەق نیوز - بەغداد

دەستەی کەشناسی عێراق، ئمڕوو شەممە، هویردەکاری کەشوهەوای رووژەیل ئایندەی وڵاتەگە خسەڕوی، مەزەنەی کەشوهەوای گەرمیگ و بەرزەوبوین تەپوتوز کەێد وە تایبەت لەناوچەیل ناوڕاس و باشوور.

لە بەیاننامەی دەسەڵاتەگە کە ئاژانس شەفەق نیوز دیەسێ هاتیە، سوو  یەکشەممە، کەشوهەوا رووشنە وەرد وا سووکیگ تا مامناوەن   (10-20 کیلۆمەتر لە ساعەتیگ)، لە رووژ گورجەوبوود و رەسێدە  30-40 کم/سەعات، یەیش بوودە مدوو تەپوتوز لە ناوڕاس و باشوور.

هەمیش پلەیل گەرمی لە ناوڕاس و باکوور کەمیگ بەرزەوبوود، لەناوچەیل باشوور نزیکە لە رووژ گوزەشتە، وەرد نوڕین ئاسۆیی ها ناوەین  6-8 کم، داوەزێد ئەرا  2-4 کم لە ناوچە توزاویەیل.

بەرزترین پلەی گەرما رووژ یەکشەممە ها ناوەین 38 تا 44 پلە  لە سەرانسەر پارێزگا جیاوازەیل و لە میسان و بەسرە رەسێدە 44 پلە و لە بەغدا و دیالە و کەرکوک و چەن پارێزگای ترەک  41 پلە بوود.

لەباوەت وە رووژ دووشەممە، کەش و هەوا وەگشتی رووشن و گەرم بوود، پلەی گەرمی جویر پلەی گەرما یەکشەممە. ڕۆژی سێشەممە پلەیل گەرمی لە ناوچەیل ناوەڕاس و باکوور کەمیگ بەرزەوبوود و بارودۆخ باشووریش جێگیر بوود.

رووژ چوارشەممە کەش و هەوا لە ناوچەیل ناوەڕاس و باشوور رووشن بوود لە باکوور نیمەئەورە و لەی گەرمی جیگیر بوود.