کەشناسی هەرێم مەزەنەی پرزە واران لە ناوچەیلیگ کەێد

شەفەق نیوز/ وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای دوو رووژ دیاریکرد و مەزەنەکەێد لە بڕیگ ناوچەیل پرزە واران وارێد.

وەڕێوەبەرایەتیەگەلە بەیاننامەیگ رەسیە ئاژانس شەفەق نیوز راگەیان "ئمڕووئاسمان ساماڵ و لەکە ئەورە لە ناوچەکویەیلەی باکوور و باکوور خوەرهەڵات نیمە ئەورە وەگەرد ئەگەر کەمیگ نمە واران لەوەخت دویای نیمەڕوو لەو ناوچەیلە و پلەی گەرمی کەمیگ بەرزترەوبوود".

دیاریکرد "سوو چوارشەممە، ئاسمان ساماڵ و لەکە ئەورە لەناوچە کویەیلەی سنوور باکوور و باکوور خوەرهەڵات نیمە ئەورە و پلەی گەرمی کەمیگ بەرزەوبوود".

هەولێر : 41 پلەی سیلیزی

سلێمانی : 38 پلەی سیلیزی

دهۆک : 40 پلەی سیلیزی 

کەرکوک : 43 پلەی سیلیزی  

زاخۆ  : 41 پلەی سیلیزی

هەڵەبجە : 39 پلەی سیلیزی

سۆران : 38 پلەی سیلیزی

حاجی ئۆمەران : 25 پلەی سیلیزی

گەرمیان : 44 پلەی سیلیزی.