پیشمەرگە: فڕۆکەوانی عراق ١١ داعش لە سەڵاحەدین کوشت

2023-01-22T15:39:21.000000Z

شەفەق نیوز/ فەرماندەیگ سەربازی لە پیشمەرگە، ئمڕوو یەکشەممە، وت: فڕۆکەوانی عراق وە گورزیگ ئاسمانی ١١ ئەندام لە داعش کوشتیە، ئەوەیش لە دەورگرد قەزای دووزخورماتوو خوەرهەڵات سەڵاحەدین نزیک سنوور قەزای کفری لە ئیدارەی گەرمیان لە هەرێم کوردستان. 

عەمید جەلال وارانی فەرماندەی لیوای ٧٣١ لە پیشمەرگە ئەرا ئاژانس شەفەق نیوز وت: هیزەیل فیدڕاڵی هاوبەش وەشکینیگ ئەرا شوین گورزە ئاسمانیەگە وەماوەی ٤٨ ساعەت گوزەشتە کردن، ک حەشارگەی ئەندامەیل داعش لە ناوچەی تاویر کوە ناوبەین ئاوای داودیە و قەزای دووزخورماتوو نزیک سنوور کفری کردە ئامانج.

وتیش: هیزە ئەمنیەگە تەرم کوشیاییگ لە داعش پەیا کرد، و زانیاری ئەمنی و وەشکین مەیدانی دووپات لە کوشیان ١١ ئەندام داعش کرد ک لەناو پەناگەیگ خوەیان شاردوینەو.

Shafaq Live
Shafaq Live