سێ ناوچەی عراقی لەناو لیست بەرزترین پلەی گەرمی لە جیهان

شەفەق نیوز- وەدویاچگن

داتایەیل چەودێری کەشوهەوای جیهانی، ئمڕوو یەکشەممە، توومارکردن 15 ناوچە لەناو لیست بەرزترین پلەی گەرمی توومارکریاگ لەبان ئاست جیهان لەماوەی 24 سعات گوزەشتە نیشان دا، کە سێ ناوچەی عراقی لەناوی هەس.

شار بوستان ئیرانی بەرزترین پلەی گەرمی توومار کرد، کە رەسیە 47.2 پلەی سەدی، و دویای ئەوەگ دهڵران ئیرانی هات وە 47 پلەی سەدی، و ئانان عابادان ئیرانی وە 46.9 پلەی سەدی.

فڕۆکەخانەی  ناودەوڵەتیکوەیت  لە پلەی چوارەم هات وە 46.7 پلەی سەدی، و دویای ئەوەگ بەندر ماهشەهر ئیرانی هات وە 46.4 پلەی سەدی.

شار ئومێدیەی ئیرانی لە پلەی شەشەم جیهانی هات، دویای ئەوەگ 46.3 پلەی سەدی توومار کرد، و دویای ئەو ئەڵئەحسای سعودی هات وە 45.8 پلەی سەدی.

لە پلەی هەشتەم، صافی ئاباد دزفوول ئیرانی هات وە 45.7 پلەی سەدی، لە وەختیگ کە سەماوەی عراقی 45.6 پلەی سەدی توومار کرد، تا پلەی نۆیەم جیهانی بگرێد.

ئەبو سەمڕەی قەتەری لە پلەی دەیەم هات وە 45.4 پلەی سەدی، و دویای ئەوە ئەلکەرعانەی قەتەری هات وە 45.3 پلەی سەدی، لە وەختیگ کە عەمارەی عراقی لە پلەی دوانزەیەم جیهانی هات، دوای ئەوەگ 45.3 پلەی سەدی توومار کرد.

مێهران ئیرانی لە پلەی سێزەیەم هات وە 45.1 پلەی سەدی، و دویای ئەو بەسرە – حوسێن عراقی لە پلەی چواردەیەم هات وە 45 پلەی سەدی، لە وەختیگ کە لیستەگە وە بەهبەهان ئیرانی وە هەمان پلە کۆتایی پێهات.