سەرەتای هەفتەی ئایندە شەپوولیگ سەرد جەمسەری روی لەعراق کەێد
شەفەق نیوز/ دەسەی گشتی کەشناسی و زەویلەرزەناسی، ئمڕوو یەکشەممە، هووشداریدا سەرەتای هەفتەی ئایندە شەپوولیگ سەرد جەمسەری روی لە عراق کەێد.
دەسەگە لە راپۆرتیگ ئمڕووی راگەیان "لە ماوەی ئێ هەفتە پلەی گەرمی کەمکەم بەرزەوبوود، لەدویای داوەزیان فرەیگ پلەی گەرمی تێد لە ئەنجام کاریگەری بارستە وای بەستەڵەکی رەسەن سەرد قایمیگ کە کاریگەریەگەی لە سەرەتای هەفتەی ئایندە دەسوەپی کەێد گشت شارەیل گرێدەوە وەرجە ئەوە واران بوود لە رووژ چوارشەممە و پەنجشەممە و شەوەکی جومعە.
دیاریکرد، شەپوول بەستەلی سەردەگە لە هەفتەی بانان وسێد، هووشداری درێد لە یەخدان زەوییەل ناوچە فراوانەیل هەوەجە کەێد رێوشوین خوەیپارێزی بگرێدەوەر وە تایوەت کشاوەرزەیل و ئەوانەگ ری دەرەکی وەکارتیارن.
کەشناس عەلی جابر زیادی، رووژ جومعەی وەرین، هووشداریدا، لە داوەزیان گەپیگ پلەی گەرمی کە یە یەکەمجارە لە دویای زیاتر لە یەک سەدە لە عراق، دیاریکرد پلەی گەرمی لە شارەیل ناوڕاس و باکوور رەسێدە ژیر پلەی سفر سیلیزی.
