سودانی لە یاد تاوان ئەنفال: گەل عراق وە یەکخستنی وەرەو بیناکردن و ئاشتی چوود
شەفەق نيوز/ محمد شیاع سودانی سەرۆک وەزیرەیل عراق، ئمڕوو دووشەممە، یاد ئەو تاوان دڵتەزنە کرد کە رژیم دیکتاتۆر وەرجە 37 ساڵ لە ئەنفال جیوەجیی کرد، و دووپات کرد کە گەل عراق وە یەکخستنی وەرەو بیناکردن و ئاشتی چوود.
سودانی لە پۆستیگ لەبان "ئێكس" کە ئاژانس شەفەق نیوز نووڕیەی نویسان: قێزەونی ئەو تاوانە نەک تەنیا رەگەزپەرەسی رژیم لەناودریای ئاشکرا کرد، بەڵکو هەمیش تەقەلایل بیئومیدی خستە دەیشت لە پارچەکردن یەکێتی گەل عراق، و شکانن هاز نیشتمانپەروەریی، وەلێ ئیرادەی عراقیەیل هازدارتر بوی، کە ئمڕوو برایەتی و وەیەکەوژیان سەرکەفتن لەبان گشت تویەنەیل خوسەهاتنە هاورد کە بەعس سەدامی گاڵیەی.
سودانی وتیش: سەردەم ستەم وەرەو زوڵدان میژوو کۆتایی وەپی هات، و عراقیەیل ئمڕوو، وەگشت هەمەڕەنگییان، لەناو رییان وەرەو بیناکردن و گەشەپیدان وەردەوامن، ئەرا عراقیگ یەکخریای، ئاسایش، و ئارام.
لە هەشتایەیل سەدەی گوزەشتە، رژیم بەعس هەزاران مەدەنی بیگوناه لە جویراجویر ناوچەیل کوردستان وەرەو بیاوانەیل ناوڕاس و باشوور عراق برد، و لەورا زنیوەچاڵیان کرد، و هیمان چارەنویس فرەیگ لەلییان نادیارە.
لە ساڵ 1988، دەسکردە هەڵمەتەیل سەربازی وەناو "ئەنفال"، وەپییان هەزاران لە ئاوایەیل کورد لە هەرێم کوردستان کردە ئامانج، و هەزاران ئاوای کاول کرد، و
ونتج عنها تدمير آلاف 182 هەزار لە خەڵک سەرنقوم کرد، لە وەختیگ لە 21 شوبات گوزەشتە، روفات 172 لە قوربانیەیل ئەنفال گلەو دریا.
