زەویلەرزە دەێد لە مەنەلی

2025-02-02T06:22:44+00:00
شەفەق نیوز/ دەسەی کەشناسی و زەویلەرزەناسی عراق، شەوەکی زوی ئمڕوو یەکشەممە، توومارکردن زەویلەرزەیگ لە قەزای مەنەلی لە پارێزگای دیالە راگەیان.
دەسەگە لە راپۆرتەگەی وت: زەویلەرزەگە نزیکەی 13کم وەرەو باشوور خوەرهەڵات قەزاگە دویر بوی، و تونیەگەی رەسیەسە 3.4 پلە لەبان پەیمانەی ریختەر.
راپۆرتەگە وتیش: خەڵک ئەو ناوچەیلە نزیک زەویلەرزەگە لە تەکان لەرزەگە ئاگادار بوین، و تا ئیسە خەوەر لە زەرەد گیانی و مادی نەڕەسیە.