زیقار ٣ مردن و نەینەوا دەیان زەخمداری وە رویداوەیل جیاجیا

شەفەق نيوز/ سەرچەوەیگ ئەمنی لە زیقار، ئمڕوو دووشەممە، خەوەردا لە کوشیان و زەخمداری چوار کەس وە رویداوەیلیگ جیاجیا لە خوەرهەڵات پارێزگاگە، و نەینەوا دەیان زەخمداری وە رویداوەیلیگ جیاجیا لە رووژەیل جەژن توومار کرد.

سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری گشتی ناوەین قەزایەیل فەجر و قەلعەت سوکەر لە ئەنجام پلیان ماشینیگ لەوەر تونی رانین بویە هوکار کوشیان سێ کەس و زەخمداری کەسیگ ترەک.

 وتیش: تەرمەیل قوربانیەیل ئەرا پزشک دادوەری بریان، و زەخمدارەگە ئەرا خەسەخانە.

لە نەینەوا، سەرچەوەیگ ئەمنی ئەرا ئاژانس شەفەق نیوز وت: خەسەخانەیل پارێزگاگە وەگەرد خەسەخانەیل قەزا و ناحیەیل، 25 زەخمدار لە ئەنجام رویداوەیل هاتوچو لە ماوەی سێ رووژ جەژن گوزەشتە وەرگردن.

دیاری کرد کە خەسەخانەیل شار موسڵ هەمیش دە مناڵ وەرگردن وە (ساچمە) زەخمدار بوینە، ئەوەیش لەناو بەشداریکردنیان لە بازیەیل جەژن.

سەرچەوەگە وتیش: بەشیگ لە زەخمداریەیل رخدار بوینە و خریانە بەش فریاکەفتنر و داوا لە لایەنەیل تەندروسی و باوانەیل کرد چەویان وە مناڵەیل بوون، و دویر بکەفن لەیجویرە بازیەیلیگ، و لە تونی رانین ماشینەیل لە رووژەیل جەژن.