زەریف وەرەو بەغداد تیەێد

شەفەق نیوز/ سەرچەوەیگ ئاگادار، ئمڕوو چوارشەممە، خەوەردا کە محمد جەواد زەریف جیگر سەرۆک ئیران ئەرا کاروبار ستراتیژی، ئەوەسا رەسێدە بەغداد پایتەخت.
سەرچەوەگە ئەرا ئاژانس شەفەق نیوز وت: لەی ساعەتەیل ئایندە، ئەوەسا محمد جەواد زەریف جیگر سەرۆک ئیران ئەرا کاروبار ستراتیژی رەسێدە بەغداد پایتەخت، وەسەردانیگ فەرمی لەناوی چەو کەفێدە شمارەیگ لە وەرپرسەیل عراقی، و سەرکردەیل سیاسی.
وتیش: سەردانەگە ئەرا باسکردن شمارەیگ لە باوەتەیل ئەمنی و سیاسی و ئابووریە، و دویاترین گەشەیل هەرێمی، وەتایبەت دویای ئاڵشتبویەیل لە سوریا.
وەرجەیە، محمد شیاع سودانی سەرۆک وەزیرەیل، لە سەرەتای مانگ گوزەشتە، سەردان ئیران کرد، و باس گەشەیل ناوچەگە کرد، بیجگە لایەنەیل ئەمنی و ئابووری.
هەمیش مەحمود مەشهەدانی سەرۆک پەرلەمان، وەرجە چەن رووژیگ، سەردان تەهران کرد، و باس بڕیگ لە گەشەیل ناوچەگە کرد، و ئاڵشتبویەیل ناوچەگە، و لەناو سوریا، بیجگە باوەتەیل ئاسایش سنوور و ئابووری.
لە ئەیلوول 2024، مەسعود پزیشکیان سەرۆک ئیران، سەردان بەغداد پایتەخت کرد، وە جیوەجیکردن مکیسیگ فەرمی وەلایەن محمد شیاع سودانی سەرۆک وەزیرەیل، و یەکەمین سەردان دەرەکی بوی وەلایەن پزیشکیان لە وەخت وەرگردن پۆست سەرۆکایەتی کۆمار ئیسلامی ئیران.